СИНДИКАТ НА УПОЗ: Со кратење на платите од вработените ќе се покрива неспособноста на Владата

Добивај вести на Viber

Од Синдикатот на УПОЗ велат дека со кратење на платите на вработените ќе се покрива неспособноста на Владата. 

„Вицепремиерот Битиќи, денес ни порача дека кратењето на плати не треба да го сфатиме лично. А, како да го сфатиме? Неофицијалните информации говорат дека сите вработени кои ќе се упатат да работата од дома, ќе добијат помала плата од 10 до 30 отсто. Тоа значи дека како награда за работа од дома, која ќе значи повисоки сметки за струја, греење, храна итн. ќе добијат пониски плати, а во некои случаи дури и пониска плата од минималната плата. Со еден потег, Владата ги укина Синдикатите и Колективното договарање, и ги прекрши Уставот, Законите и Конвенциите на МОТ кои Р.Македонија ги има потпишано. Ќе дочекаме за првпат во историјата на нашата држава, еден Министер да добие поголеми ингеренции од Премиерот и во најголемата финансиска криза да одлучува кој смее, а кој не смее да добие плата. Со ваквите постапки, Владата единствено успеа да го навлече бесот на вработените и да ги обедини Синдикатите, а за последиците и бесот кој ќе произлезе од овие мерки, ние нема да бидеме одговорни“, реагираат тие. 

Битиќи рече дека владините мерки и препораки за намалување на расходите на буџетските корисници не се насочени кон УПОЗ, ниту се однесуваат кон некого лично. Во нив како што вели се дадени совети што треба да направат институциите од централната и локалната власт, јавните претпријатија и акционерските друштва.