Силјановска Давкова: Значи господар на прстените е Бугарија

Добивај вести на Viber

Оставките од ДУИ се политички маневар, изјави за Канал 5, пратеничката од ВМРО-ДПМНЕ Гордана Силјановска – Давкова. 

„Треба, преку премиерот, оставките да се достават до претседателот на Собранието, оти легитимитетот на министрите од нас извира и претседателот веднаш треба да ги достави до пратениците и на следната седница само се констатира престанокот на мандатот“, вели таа. 

Пратеничката додаде и дека првпат слуша за условени оставки. Силјановска – Давкова е со став дека уставните измени не се гаранција дека Бугарија ќе нема нови барања.

„Чуму и се на Бугарија нови барања? Преговорите во рамки на тн. историска комисјиа се непресушен извор на можни барања, и во рамките на шесте кластери и во рамките на поглавјата, бидејќи во протоколите ќе дојде израз договореното или не договореното. Значи господар на прстените е Бугарија“, кажа таа.

Веста дека сите министри и останати функционери на ДУИ во Владата поднесуваат оставки до премиерот Димитар Ковачевски, ја соопшти партискиот претседател Али Ахмети, Но, оставките ќе важат од моментот кога опозицијата ќе гласа за уставните измени.