Шведска нема мир од меѓумафијашките тинејџерски пресметки, малолетник уби тројца млади во берберница

Добивај вести на Viber

Шведската полиција уапси тинејџер,откако денеска застрела тројца млади во берберница вчера во градот Упсала. Наводно, напаѓачот избегал со скутер по нападот во фризерски салон во центарот на градот, што предизвика потера.

Полицијата потврди во среда дека лицето уапсено за пукањето е помладо од 18 години. Сите три жртви биле на возраст меѓу 15 и 20 години, соопшти шведската полиција на прес-конференција, иако началникот на полицијата во регионот, Ерик Акерлунд, рече дека нивниот идентитет не е „100процентно“ потврден.

Полицијата истражува можност смртните случаи да се поврзани со меѓусебна пресметка на бандите кои во изминатите години предизвикаа голема несигурност во скандинавската земја.

Еден од убиените во фризерскиот салон наводно ѝ е познат на полицијата, објавија локалните медиуми. Жртвата била вклучена во полициска истрага за планиран напад врз роднина на водачот на бандата Исмаил Абдо, според извештаите. Лицето никогаш не било обвинето.

Абдо, со прекар „јагодата“, е добро познат водач на банда. Ново, насилно поглавје во војните меѓу бандите во Шведска започна кога мајката на Абдо беше убиена во 2023 година во нејзиниот дом во Упсала, северно од Стокхолм.

Во последните години, Шведска доживеа бран на тинејџерски бандитски криминал, при што осомничените се обвинети за низа прекршоци, од вандализам до убиство.