ШТЕДНИТЕ ВЛОГОВИ ВО БАНКИТЕ СЕ СИГУРНИ - но внимавајте на кешот, опасен е, велат од НБМ
Објавено во: Финансии 26 Март, 2020
Парите што граѓаните ги чуваат и штедат во банките се безбедни и сигурни, а за нив банките ќе ги плаќаат истите камати кои се наведени во договорите, и тука нема промени, велат од Народната банка.
Оттаму велат дека депозитите се сигурни, а прогласувањето на вонредна состојба не подразбира промени во процесот на банкарското работење.
„Заштедите и во вакви околности се најбезбедни во банките и штедилниците и го имаат истиот статус како пред прогласувањето на вонредната состојба“, потенцираат од централната банка.
„Дополнително, напоменуваме дека и во вонредна состојба, за депозитите се пресметува и добива камата, во согласност со договорот којшто клиентот го има со банката/штедилница, како што важат и сите други договорни одредби. Оттука, не постои простор за загриженост – како што веќе укажавме, и во периодот на вонредната состојба, депозитите ќе им бидат достапни на граѓаните и фирмите, како и претходно“, потенцираат од НБМ.
Потсетуваат дека и сите други услуги коишто ги нудат банките и штедилниците, на граѓаните и фирмите ќе им бидат достапни дури трае вонредната состојба. Работата на финансиските институции за коишто Народната банка е надлежен регулаторен и супервизорски орган го задржува својот континуитет и во овие привремено променети околности. Истовремено, информираат дека платниот промет се одвива непречено.
И НБМ потсетува на уште една многу битна работа, а таа е дека користењето на кешот е опасен по здравјето, па се апелира да се користат кредитни картички или преку електронско банкарство.
„Уште еднаш потсетуваме дека користењето на готовината во овој период е опасно по здравјето и апелираме плаќањата да се вршат со платежни картички и/или преку сервисите за електронско и мобилно банкарство“, објаснуваат од централната банка.
Можеби ќе ве интересира
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
