Шпанскиот Сенат гласаше, сите земји го ратификуваа пристапот на Македонија во НАТО
Објавено во: Македонија 17 Март, 2020
Сите 29 земји-членки на НАТО го ратификуваа членството на Македонија во Алијансата, откако тоа денеска го стори и шпанскиот Сенат со ниту еден глас против на пленарна седница која беше специјално организирана за да не се одолговлекува дополнително приемот на земјата.
- Таа сега ќе го депонира инструментот на ратификација во Стејт департментот, Вашингтон ќе ја испрати информација до НАТО во Брисел и ние и официјално ќе бидеме поканети да го депонираме нашиот инструмент, односно законот за ратификација на Северноатлантскиот договор, кој беше усвоен во Собранието, рече денеска министерот за надворешни работи Никола Димитров на заедничката прес-конференција со шпанскиот амбасадор Емилио Лоренцо Сера на која во живо се следеше гласањето.
Честиташе и министерката за одбрана Радмила Шекеринска, која напиша дека во овие тешки моменти ова е добра вест за земјата.
„Република Северна Македонија - 30 членка на НАТО! Извонреден гест на Шпанија во извонредно тешки околности. Шпанскиот Сенат го ратификуваше протоколот за членство во НАТО без ниту еден глас против! Со тоа заврши процесот на ратификација во сите 29 земји членки на НАТО, наши сојузници. Почитувани граѓани, ви честитам за добрата вест во овие тешки моменти“, напиша Шекеринска.
Гласањето беше без физичко присуство на сенаторите, поради состојбата со коронавирусот во земјата.
На седницата на шпанскиот Сенат единствено физички присуствуваше претседателот Пилар Лоп и уште неколкумина.
Можеби ќе ве интересира
„Ќе одговараш, страшно ќе одговараш”: 57 годишен маж од Богданци вербално ѝ се заканувал на Кацарска во сред Центар, доби кривична
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
