Шмигал вети дека ќе ја внесе Украина во ЕУ во следните две години

Добивај вести на Viber

Украинскиот премиер Денис Шмигал вели дека ќе ја внесе земјата во ЕУ за две години.

Рече дека Украина не сака да биде членка на ЕУ од втор ред.  Шмигал во изјава за „Политико“ изјави дека целта на Украина е „да стане полноправна кандидатка за полноправно членство“ во ЕУ. Шмигал вети дека ќе ја внесе својата земја во Унијата во следните две години.

„Вложуваме максимални напори за да обезбедиме Украина да стане полноправна членка на ЕУ. Ова е од критично значење за сите Украинци“, рече Шмигал.

Европската комисија има рок до крајот на октомври да ги оцени напорите на Киев.

„Сакаме да бидеме полноправна членка бидејќи денес Украина е единствена земја… која плати огромна цена за тоа што сака да биде членка на ЕУ“, рече Шмигал.

Тој нагласи дека повеќе од 90 отсто од Украинците сакаат нивната земја да биде полноправна членка на Унијата.

Тој додаде дека Украина ги исполнила сите седум услови на Европската комисија од јуни 2022 година за преминување во следната фаза од процесот на пристапување.

Шмигал рече дека украинската влада оваа недела усвои резолуција која вклучува признавање на правата на националните малцинства. Набљудувачите велат дека тоа е понуда на „маслиново гранче“ на Будимпешта, која имаше забелешки за третманот на етничките Унгарци во Украина. Украина сака да биде и дел од НАТО. И соседната Молдавија се стреми да влезе во ЕУ. Руската инвазија на Украина почна лани на 24 февруари, а руските власти изјавија дека војната ќе трае до 2025 година.