Сенатот на САД го ратификува членството на Македонија во НАТО
Објавено во: Македонија 22 Октомври, 2019
Сенатот на САД го ратификува членството на Македонија во НАТО откако го усвои протоколот во Вашингтон.
Резултатите од гласањето покажуваат дека „ЗА“ гласале 84, а само двајца сенатори, еден од Јута и еден од Кентаки, се изјасниле негативно, додека не гласале 14 сенатори.
Минатата недела националните парламенти на Италија и на Велика Британија го ратификуваа Протоколот за зачленување на РС Македонија во НАТО.
Според ова, за да заврши целата процедура Македонија конечно да стане рамноправна членка на НАТО, останува уште 5 земји да го ратификуваат овој протокол.
Македонија може да стане 30 членка на НАТО само ако сите 29 земји членки дадат зелено светло преку своите национални парламенти, што е извесно.