15 Јуни, 2024
0.0270

Се вршат проценки за капитални проекти што требаше да бидат готови пред неколку години

Објавено во: Економија 20 Ноември, 2023

Добивај вести на Viber

Државата преку Бирото за процена сеуште прави анализи на вредноста на експропријациите на проекти кои требаше да бидат завршени години наназад. Во објавениот стратешки план за 2024-2026 на поранешното „Биро за судски вештачења“ пишува дека во првата половина на 2023 како најзначајни процени кои се реализирани, меѓудругото се и оние за изградба на магистрален гасовод делница Скопје – Тетово – Гостивар и за изградба на брана и акумулација Конско со придружни објекти.

Браната Конско беше проектирана во текот на 2016 година, беа одобрени средства и требаше да почне да се гради на почетокот на 2017 година, со поставена цел да биде завршена до крајот на 2019 година. 

Овој систем треба да чини 40 милиони евра. Инаку, договорот со компанијата „Серка“ за изградба на „Брана Конско“ беше склучен од поодамна, па и од самата компанија на прес конференција нагласија дека изградбата на браната првично било планирано да заврши кон крајот на 2020 година, но поради здравствената криза, бавната работа на некои институции, како и задоцнетото пристигнување на специјални материјали и опрема од странство, кои се дефицитарни кај нас, придонеле да се пролонгира предвидениот рок за завршување на градежните работи

Изградбата според неодамнешните проценки на Министерството за земјоделство требаше да заврши до крајот на јуни оваа година. После ова треба да следи период на полнење на браната и период на неопходно тестирање, после што ќе биде пуштена во употреба. На браната, чиј капацитет на акумулација изнесува 21 милион метри кубни вода, стручните лица од фирмата изведувач тогаш нагласија дека ќе и треба време за полнење од една до две години, во зависност од количината на врнежи во тој период. Инаку, Браната „Конско“ е најголем капитален проект во општина Гевгелија во изминативе 50 години. Изградбата на оваа брана почна во јули 2018 година,

Трасата за магистралниот гасовод Скопје – Гостивар е над 90 отсто завршена, според последните информации од „Номагас“. од таму претходно информираа дека остатокот на недовршената работа се должи на спорови околу експропријацијата и тоа најчесто поради оспорување на висината на обесштетувањето. Како што рекоа тогаш од националното претпријатие, при планирањето на проектот, средствата за експропријација не биле испланирани.

Оваа делница сѐ уште не е пуштена во употреба, иако е завршена над 90 проценти уште во 2020 година. Објаснувањето е дека долгото градење на останатите 10 проценти од проектот, повеќе од три години, е поради нерешени имотно правни работи и бројни предмети во судски постапки, а дека во прашање се само неколку парцели. Изградбата на делницата „Скопје – Тетово – Гостивар“ беше започната пред седум години, но гас низ цевките и натаму нема.

Бирото за судски вештачења вообичаено врши проценки за експропријации на земјишта заради изградба на патишта и цевководи, штети настанати како резултат на неповолни временски услови, продажба и давање под закуп на недвижен државен имот, при пренос на концесии итн. Најзначајна извршена проценка на „Бирото“ во 2022 била за изградбата на пругата Куманово - Крива Паланка, која започна одново со потпишани нови договори со изведувачите.

А.К.

Можеби ќе ве интересира

ОД 1 ЈУЛИ ПОСКАПУВА КАФЕТО ВО СРБИЈА: За 100 грама кафе ќе плаќаат 10, 20 или 50 отсто повеќе?

ОД 1 ЈУЛИ ПОСКАПУВА КАФЕТО ВО СРБИЈА: За 100 грама кафе ќе плаќаат 10, 20 или 50 отсто повеќе?

ЗАКРЕПНУВА ПРИВАТНАТА ПОТРОШУВАЧКА: Ова ќе биде „ветер во грб“ за германската економија

ЗАКРЕПНУВА ПРИВАТНАТА ПОТРОШУВАЧКА: Ова ќе биде „ветер во грб“ за германската економија

ДАЛИ ВЛЕГУВААТ ВО КРИТИЧНА ФАЗА: Националниот долг на Црна Гора е 66,36 отсто од БДП

ДАЛИ ВЛЕГУВААТ ВО КРИТИЧНА ФАЗА: Националниот долг на Црна Гора е 66,36 отсто од БДП

„ЦЕЛОСНО НЕИСПЛАТЛИВИ“: Oва е списокот на најскапи градови

„ЦЕЛОСНО НЕИСПЛАТЛИВИ“: Oва е списокот на најскапи градови

AЛБАНИЈА: Зошто просечната плата се намалила?

AЛБАНИЈА: Зошто просечната плата се намалила?

ТАЈНАТА СОСТОЈКА НА ОЗЕМПИК ВО ТРКА ЗА ОСВОЈУВАЊЕ НА ПАЗАР ОД 100 МИЛИЈАРДИ ДОЛАРИ - еве на што се темели најпопуларниот лек

ТАЈНАТА СОСТОЈКА НА ОЗЕМПИК ВО ТРКА ЗА ОСВОЈУВАЊЕ НА ПАЗАР ОД 100 МИЛИЈАРДИ ДОЛАРИ - еве на што се темели најпопуларниот лек

Германија се обидува да ги спречи или ублажи царините на ЕУ за кинеските електрични возила

Германија се обидува да ги спречи или ублажи царините на ЕУ за кинеските електрични возила

КОЈ ПЛАТИ НАД 300 ИЛЈАДИ ЕВРА - блокови со акциите на една нафтена компанија, за цена не се прашува

КОЈ ПЛАТИ НАД 300 ИЛЈАДИ ЕВРА - блокови со акциите на една нафтена компанија, за цена не се прашува

ИНТЕРВЈУ СТАНКОВСКА КОСТОВА: Животното осигурување обезбедува дополнителен извор на приход, но пред сè финансиска сигурност

ИНТЕРВЈУ СТАНКОВСКА КОСТОВА: Животното осигурување обезбедува дополнителен извор на приход, но пред сè финансиска сигурност