СЕ ОГЛАСИ СОПРУГАТА НА ПОРАНЕШНИОТ МИНИСТЕР - ДРЖИ ЈА ВИСОКО ГЛАВАТА КРЕШНИК: Има многу инстанци пред да се добие согласност од Министерството за економија

Добивај вести на Viber

Илка Каба Бектеши, сопруга на Крешник Бектеши, коj доби 30 дневен притвор, рече дека ексминистерот за економија не бил уапсен туку отишол во станица по добиена покана. Таа тврди дека го пуштиле да си оди дома, но откако се подготвил да излезе од станица, му кажале дека му одредуваат 24-часовна мерка. Сопругата на Бектеши обвини дека апсењето на ексминистерот е оттргнување на вниманието од вистинските виновници.

„По три минути подготвување за заминување, најавуваат дека одредуваат 24-часовна мерка, без никакво предупредување или присуство на бранител, го земаат Крешник со врзани раце за да го испратат во Кочани. Едно нешто во што треба да се увериме е дека не може да се одвлекува вниманието на луѓето од вистинските виновници. За да се добие согласност од Министерството за економија, прво потребна е согласност од општина Кочани, Министерството за транспорт, Министерството за внатрешни работи, Пазарниот инспекторат и на крајот Министерството за економија. Медиумските наслови дека поранешниот министер е уапсен се оттргнување на вниманието од вистинските виновници, непочитување на медиумите кои по секоја цена ја пренесуваат вистината. Ви определиле 48-часовен притвор за мерка „Тешко дело против општата безбедност“, првично без правна основа.
Крешник ниту бил причина за пожарот, ниту бил на должност во моментот кога се случила трагедијата. Се очекуваше да се додадат уште 48 часа затоа што треба да добијат време за да ја префрлат вината на Крешник, но ова нема да помине бидејќи вистината е кај Крешник. Тие политичари што демек не претставуваат само со албанско име ви кажуваат дека делата се веќе познати. Синоќа мојот адвокат ме извести дека обвинителот побарал притвор од 30 дена за Крешник. Сега сè почнува за мене како сопруга, како мајка на децата на Крешник… израснавме еден до друг во секоја димензија, ова ќе биде само предизвик уште еднаш да си докажеме еден на друг дека сме го направиле вистинскиот избор. Држи ја главата високо, Крешник“, напиша таа.