Се огласи скопската ЗОО: Сите вработени тагуваат по Ристе

Добивај вести на Viber

Скопската зоолошка градина упати последен поздрав до полинатиот зоолог Ристе Трајковски, кој полина на 44 -годишна возраст, а во меѓувреме по него угина и последната жирафа за која се грижеше.

„Вчерашниот ден беше најтежок за сите вработени во Скопје ЗОО.  Ненадејно, на 44 години не напушти нашиот сакан и почитуван колега зоонегувател Ристе Трајковски 

Ристе беше вреден работник, омилен меѓу животните, а неговите фотографии за поврзаноста со жирафите го обиколија светот.

Нека ти е светол патот, почивај во мир колега и сочувство до семејството од целиот тим на Зоолошка градина Скопје.

За трагедијата да биде уште поголема, околу 16:00, го загубивме и нашиот Флопи- една од трите жирафи за кои се грижеше Ристе. Вработените дадоа се од себе да го спасат, но и покрај  сите максимални напори,  Флопи замина на небото заедно со нашиот Ристе“, се вели во последниот поздрав. 

Во соопштението се бара од јавноста да се земе во предвид тагувањето на сите вработени во овој момент, како голема трагедија и шок за сите нив.

„Законските процедури и постапки се запазени и се во тек, штом имаме официјални резултати од обдукцијата на Флопи, веднаш ќе биде известена целата јавност“, порачуваат од таму.