Се јави Владата со став по провокативните изјави на Џамбаски и Каракачанов
Објавено во: Македонија 20 Јуни, 2021
Од Владата велат дека изјавите на дел од бугарските политичари се дејствија против добрососедството и пријателството, коментирајќи го екс министерот за одбрана на Бугарија, Красимир Каракачанов, и европратеникот Ангел Џамбаски.
Додаваат дека, владите на двете земји со последната посета на премиерот Зоран Заев во Софија упатиле јасни пораки дека се посветени да градат позитивни односи и доверба, со цел надминување на разликите. Потенцираат дека дијалогот и довербата се важни за да се дојде до решение.
Кога Заев е во Скопје заборава дека Македонија е бугарска, му текнува само кога ќе му треба нешто, вели бугарскиот европратеник Ангел Џамбаски.
Тој по посетата на македонската владина делегација на Софија, објави ново провокативно видео со кое го повторува ставот дека Македонија е бугарска.Академик Катица Ќулавкова повика ЕУ да ги осуди изјавите.
фото МИА