Се ближи ли крајот на пандемијата на коронавирусот?
Објавено во: Свет 31 Јануари, 2023
Коронавирусот и натаму е закана за светот. Светската здравствена организација (СЗО) објави дека вирусот уште е вонредна меѓународна јавноздравствена криза.
Според СЗО, пандемијата веројатно е во „преодна точка“ која и натаму бара внимателно управување за да се „ублажат потенцијално негативните последици“.
Пред три години СЗО го прогласи ковид-19 за светска здравствена опасност. Во пандемијата починаа повеќе од 6,8 милиони луѓе во сите делови од светот, а болеста негативно влијаела и на светската економија и функционирањето на општеството. Главниот директор на СЗО Тедрос Адханом Гебрејесус изразил надеж дека вонредната состојба ќе се укине оваа година, посебно ако на глобално ниво се подобри пристапот до мерките против болеста. САД на 11 мај ја укинува вонредната состојба.
Вирусот се појави во Вухан во Кина и однесе милиони луѓе во смрт.