20 Октомври, 2020
0.0229

Се бара решение за родителите на деца до шест години, но властите уверуваат дека најмалите имаат силен имунитет и можат слободно да одат во градинка

Објавено во: Македонија 24 Септември, 2020


Премиерот Зоран Заев, министерката за труд и социјална политика Јагода Шахпаска и министерот за здравство Венко Филипче, денеска во Владата на Република Северна Македонија се сретнаа со тројца родители, претставници на родителите кои ја користеа мерката за продолжено породилно отсуство поради пандемијата со КОВИД-19, а кои реагираа на одлуката на Владата на 23 септември 2020 година сите родители на деца од 0 до 6 години да се вратат на своите работни места, поради тоа што градинките стартуваа со работа на 9 септември.

Претставниците на родителите упатија барање до Премиерот и министрите за времено продолжување на мерката за продолжено породилно отсуство од еден до два месеца, со цел полесна адаптација на новонастанатата ситуација и поефикасно згрижување на нивните деца.

Претседателот на Владата Заев ги увери родителите дека приоритет на Владата е здравјето и благосостојбата на децата и сите нејзини граѓани и дека Владата ќе покаже слух и разбирање за нивните барања, особено за специфичните барања и потреби на одредени групи родители.

„Земаме обврска да ги разгледаме вашите барања и потреби и да ви дадеме повратен одговор  во најкус можен рок. Ќе покажеме максимална флексибилност за одредени специфични случаи. Што се однесува до епидемиолошката слика, ние будно ги следиме препораките на Комисијата за заразни болести и следствено, секогаш размислуваме за донесените одлуки, нивната оправданост и потребата за нивна корекција. Здравјето на граѓаните е наш приоритет, но мораме да научиме да живееме со пандемијата“, рекол премиерот.

Министерот Венко Филипче истакна дека секоја новодонесена мерка отвора нови прашања и дека мерките ќе трпат промени согласно новонастанатата ситуација и специфичните потреби на одредени родители.

„Со соодветна медицинска документација, родителите на деца кои влегуваат во ризична група, може да бидат изземени од обврската да се вратат на работа. Сепак, ќе нагласам дека најмалите деца имаат прилично висок имунитет и досега немаме случај на сериозно заболено дете од оваа популација“, истакна министерот Филипче.

Министерката за труд и социјална политика Јагода Шахпаска ги увери родителите дека, согласно сондажите што ресорното министерство ги прави на терен, во градинките има многу слободни места за сите оние родители кои досега не ги запишале своите деца.

„Нашите инспектори будно ја следат состојбата на терен и ве уверувам дека ситуацијата е целосно контролирана. Исто така, упативме апел до родителите кои ги запишале своите деца во градинка, а не ги носат, да ги ослободат местата за родителите на кои ваквото згрижување им е неопходно. Овој процес понатаму треба да го следат и контролираат градинките и општините“, подвлече Шахпаска.

На крајот на средбата премиерот Заев и двајцата министри им ја пренесоа на родителите цврстата решеност целосно да бидат во дослух со нивните потреби и дека Владата ќе ги носи одлуките секогаш имајќи го предвид нивниот најдобар интерес.

Можеби ќе ве интересира

Петок е неработен ден

Петок е неработен ден

Костовски: Oва е период на милионски тендери коишто Владата ги мести

Костовски: Oва е период на милионски тендери коишто Владата ги мести

ФАКТОР НА ДЕНОТ: Нови 408 заразени, Филипче бара мерките за заштита од Ковид - 19 итно да се донесат

ФАКТОР НА ДЕНОТ: Нови 408 заразени, Филипче бара мерките за заштита од Ковид - 19 итно да се донесат

Ќе испратам полк во Скопје да ги отстрани спомениците, вели Каракачанов

Ќе испратам полк во Скопје да ги отстрани спомениците, вели Каракачанов

Заев препорача разрешување на Лидија Димова

Заев препорача разрешување на Лидија Димова

Eве кои се мерки ги прифати Владата за да се спречи ширењето на коронавирусот

Eве кои се мерки ги прифати Владата за да се спречи ширењето на коронавирусот

Блиску сме до карантин?

Блиску сме до карантин?

ФИЛИПЧЕ ПОВИКА НА ЕДИНСТВО: Мерките за заштита од ковид-19 кои се во Собранието мора итно да се донесат

ФИЛИПЧЕ ПОВИКА НА ЕДИНСТВО: Мерките за заштита од ковид-19 кои се во Собранието мора итно да се донесат

KOРОНАВИРУС: Нови 408 заразени и 4 починати

KOРОНАВИРУС: Нови 408 заразени и 4 починати