Samsung QLED телевизорите со совршен звук и 8K - Бидете дел од акцијата
Објавено во: Мои пари 28 Февруари, 2020
Samsung Electronics амбициозно влезе во 2020 година за целосно да доминира на полето на смарт телевизори со QLED екрани и 8K HD резолуција кои покрај огромните иновации во импресивната слика и визуелна презентација, нудат и совршен звук кој се адаптира на потребите на корисникот благодарение на примена на решенија со вештачка интелигенција.
8K HD резолуцијата нуди за 4 пати повисока резолуција од 4K HD и 16 пати повеќе од стандардната HD 1080p резолуција. Сликата со 8K резолуција и QLED екраните на Samsung целосно оживува пред вас, нудејќи совршена длабочина, најбогати бои и контраст, а преку Quantum HDR стандардот ги прикажува на површина и најситните детали.
Замислата на Samsung е со новите модели на QLED 8K телевизори да им овозможи на корисниците да почувствуваат како да се дел од акцијата која се одвива на екранот, додека пак на тие кои уживаат слушајќи музика да им понуди квалитет на звук кој е неспоредлив со конкуренцијата.
Совршена комбинација на слика и звук со смарт решенија
Благодарение на Smart Screen технологијата и големиот број на вградени звучници во QLED 8K телевизорите имаат многу богат, прецизен и истенчен звук.
Меѓу овие решенија се Active Voice Amplifier кој го елиминира шумот во позадина за непречено аудио искуство за корисниците, односно оваа опција опција автоматски ги препознава овие прекини и соодветно ја прилагодува јасноста на гласот.
Понатаму со уникатната алатка Objecting Tracking Sound + (OTS +) се добива напредна комбинација на вградените звучници од сите позиции и така сликата оживува до вас, односно може лесно да ги доживеете сите звучни детали и ефекти.
За ненадминливо искуство при гледањето на содржини или слушање музика се грижи алатката Q-Symphony при спојување со Samsung Q soundbar додатокот со што ќе се одржуваат активни горните и долните звучници.
Премиум Q soundbar додатоци за звук кој ќе ве освои
Дополнителните Q soundbar додатоци од новата серија за 2020 година исто така го следат целиот иновативен и технолошки исчекор, нудејќи им на корисниците подлабока интеграција со самиот смарт телевизор. Тоа што е уште поважно за корисниците е гаранцијата дека со моделите Q800T, Q70T и Q60T добиваат максимално искористување на потенцијалот на технологијата Samsung Acoustic Beam која ги исполнува врвните аудио стандарди како Dolby Atmos и DTS: X.
Предноста лежи и во тоа што Q soundbar додатоците може да се користат самостојно за слушање музика и аудио содржини и без поврзување со смарт телевизорот. Тие пленат со стилскиот изглед кој ќе го надополни внатрешниот ентериер и ќе ја збогати домашната атмосфера и забава.