САМИТ НА Г7 ВО ИТАЛИЈА: Koлку чини ноќевањето во хотелот каде престојуваат најмоќните луѓе на светот?

Добивај вести на Viber

На самитот на Г7 во Италија, најмоќните луѓе на светот спијат во хотелот во кој Мадона славеше роденден, а ноќевањето чини 4.500 евра.

Лидерите на седумте најбогати држави во светот – САД, Италија, Канада, Јапонија, Франција, Велика Британија и Германија, како и Европската Унија(ЕУ) за  време на самитот беа сместени во луксузен блиндиран хотел што наликува на помала населба во кој една ноќ чини вртоглави 4.500 евра. Во него досега престојувале пејачката Мадона, која таму славеше роденден во 2021 година, потоа фудбалерот Дејвид Бекам и музичарот Џастин Тимберлејк, кој таму го помина медениот месец со актерката Џесика Бил. Во хотелот работат 700 луѓе. Додека трае самитот локалното население може да се движи само со посебна пропусница, а никој не смее да плива во морето. Учесниците на самитот се максимално безбедни. Обезбедувањето брои од 7.500 до 9.600 мажи и жени, од кои 5.000 се карабинери, полиција, финансиска полиција, како и снајперисти.  Самит на Г7 во Италија се одржува по седми пат. 

Италијанската премиерка Џорџа Мелони без дилеми е ѕвездата, а украинскиот претседател Володимир Зеленски е најзадоволниот човек на годинашниот тридневен самит на Групата седум најразвиени земји – Г 7 што ќе се затвори попладнево со билатерални средби на учесниците и прес конференција на Мелони.

Уште првиот ден земјите членки на Г7 соопштија дека до крајот на годинава на Украина ќе и доделат заем од 50 милијарди долари од замрзнатиот руски имот. Освен ова, Зеленски и американскиот претседател Џо Бајден потпишаа десетгодишен билатерален безбедносен договор, за кој беше кажано дека е претходница на членството на Украина во НАТО. Договорот има за цел да ги обврзе идните американски администрации да ја поддржуваат Украина, дури и ако Доналд Трамп во ноември победи на изборите, изјавија официјални лица.

foto Facebook/Georgia Meloni