САДУЛА ДУРАКИ ОД ДУИ ПОДНЕСЕ ОСТАВКА ОД ЗАМЕНИК ДИРЕКТОР ВО „ТЕЛЕКОМ“ - ќе си биде пратеник, функциите се неспојливи
Објавено во: Економија 13 Јуни, 2024
Садула Дураки од ДУИ кое е избран како пратеник во Собранието, поднесе оставка од фунцијата заменик претседател на Одборот на директори на „Македонски телеком“, поради неспојливоста на двете функции.
За тоа нашата телекомуникациска компанија транспарентно ја извести инвеститорската јавност, преку Македонската берза за долгорочни хартии од вредност.
„Согласно Глава 6 од Правилата за котација, известуваме за следниве измени во органите на управување: Врз основа на член 33 од Правилата за котација на Македонска берза на хартии од вредност АД Скопје, Македонски Телеком АД – Скопје известува дека г. Садула Дураки поднесе оставка од позицијата Неизвршен член и Заменик Претседател на Одборот на директори на Македонски Телеком АД - Скопје поради неговиот избор како пратеник во Собранието на Република Северна Македонија во смисла на неспојливост на функцијата согласно член 9 од Законот за пратеници“, се вели во компаниската објава до Берзата.