РУСКИ ЛИДЕР ТВРДИ ДЕКА ХЕРСОН НЕМА ДА ПАДНЕ, ТОЈ Е И ЌЕ БИДЕ РУСКИ ГРАД - иако признава дека руските сили имаат големи територијални загуби

Добивај вести на Viber

Кирил Стремусов, кој е еден од лидерите на руските власти во окупираниот Херсон во јужна Украина, утринава објави порака на Телеграма во која ги споменува пријавените територијални загуби на руските сили на север, но и тврди дека Херсон нема да падне.

Во објавата тој наведе и дека „Херсон е и ќе биде руски град“ и дека никој нема да се предаде или да се повлече.

„Околу целиот раб на регионот Херсон, Министерството за одбрана на Руската Федерација изгради одбранбени линии и ништо не им се заканува на градот Херсон и на регионот Херсон. Што се однесува до ситуацијата во регионот Харков, многумина од нас се збунети од моментална ситуација.Времето ќе стави се на свое место и сигурно ќе добиеме одговори на вашите прашања. Во градот Херсон се е мирно и нема паника"; напиша Стремусов и напиша дека има намера почесто да известува за состојбите во тој град.

Утрово, пак, украинската служба за безбедност објави слики на социјалните мрежи од како што тврди дека е запленета руска муниција.

„Руските напаѓачи бегаат од украинските војници оставајќи зад себе цели арсенали муниција. А ние секако ќе ги искористиме за она за што се наменети - против непријателот“, напишаа тие.