РУСКИ ХАКЕРИ ЈА УРНАА ВЕБ-СТРАНИЦАТА НА КРАЛСКОТО СЕМЕЈСТВО: Групата KillNet со порака, ова е „напад врз педофилите“.

Добивај вести на Viber

Руска хакерска група тврди дека ја „урнала“ официјалната веб-страница на британското кралско семејство, пишува Дејли Мејл.

Хакерот KillMilk, наводниот водач на руската група KillNet, во објава на Телеграм тврди дека во неделата ја нападнале официјалната веб-страница на кралското семејство.

Групата вели дека соборувањето било, всушност, „напад врз педофилите“. Веб-страницата на кралското семејство, royal.uk, беше пријавена дека била симната околу 90 минути и едноставно прикажувала „отпечаток за грешка“, од околу 10.20 часот утринава.

Ова не е прв пат KillNet да направи упад во кралското семејство, бидејќи во ноември 2022 година веб-страницата беше симната неколку часа со DDoS напад.

KillNet, пишува Daily Mail, е проруска група позната по нападите врз владините институции и приватни компании ширум светот.

Таа беше формирана некаде во март 2022 година и ја поддржа Русија и нејзината инвазија на Украина.

Разузнавачката мрежа Five Eyes, составена од агенции од Канада, Австралија, Нов Зеланд, САД и Обединетото Кралство, предупреди во април 2022 година дека KillNet е една од неколкуте хакерски групи кои ветија поддршка за Русија и се заканија дека ќе го нападнат секој што ја напаѓа Русија.