Русите можат да плаќаат во Турција со рубљи
Објавено во: Балкан 31 Август, 2016
Руските туристи во Турција ќе можат да плаќаат во национална валута - рубљи, тоа го изјави денеска министерот за економија на земјата Нихат Зеибекчи.
„Русите може да плаќаат во Турција со рубљи“ - рекол тој за време на руско-турски форум во Анталија.
Според него, приливот на руски туристи во земјата е намален за 70-80% во јули оваа година, а сега ова ниво треба да биде вратено.
Зборувајќи за безбедноста на туристите во земјата, министерот истакна дека во оваа насока се работи заедно со руските експерти.
Од своја страна, градоначалникот на Анталија Мендерес Турел истакнал дека регионот опфаќа 66% од целиот туристички прилив во земјата, а Русите се поголемиот дел од него. Годишно регионот го посетувале над 3 милиони туристи од Русија, додека илјадници купиле имот.
Форумот е организиран од Clobal Connection и е наменет за помагање за развојот на бизнисот меѓу двете земји. Оваа година тој се одржа за првпат, но организаторите се надеваат дека ќе се претвори во годишен настан.