Русија со меѓународна потерница ја бара Наталија Вовк

Спутник објави дека Московскиот градски суд наредил Вовк да биде притворена два месеци по нејзиното апсење на територијата на Русија или екстрадиција. Таа е обвинета за убиство извршено од група лица, мотивирано од политичка или друга омраза. Во Русија ѝ се заканува затворска казна од осум до 20 години. Дугина загина на 20 август откако експлодираше автомобилот што го возела.  Автомобилот експлодирал кога врз него била поставена активирана експлозивна направа. Федералната служба за безбедност на Русија соопшти дека зад убиството на руската новинарка стојат украински специјални служби, а сторител е украинската државјанка Наталија Вовк, која со ќерката пристигнала во Русија на 23 јули. Информациите на ФСБ говорат дека Вовк и нејзината ќерка отпатувале за Естонија преку регионот Песков. Украина негираше вмешаност во ова убиство. Тие се правдаа дека убиството се случило на територија на Русија и дека Киев не стои зад нападот. И функционери поставени од Русија во Украина загинаа на ист начин, при експлозија на автомобили.