РУСИЈА ГО ШИРИ ВЛИЈАНИЕТО: Владата на Чад се закани дека ќе ги исфрли американските трупи

Добивај вести на Viber

Владата на Чад се закани дека ќе ги исфрли американските трупи додека Русија го проширува влијанието во Африка. 

САД ризикуваат да го загубат своето воено присуство во друга африканска земја бидејќи владата на Чад испрати писмо во кое се заканува дека ќе го прекине критичниот безбедносен договор, потег што се заканува да и отстапи поголемо влијание во регионот на Русија, пренесува „CNN“.

Во писмото испратено до американското одбранбено аташе минатата недела, официјални лица од Чад се заканиле дека ќе го откажат Договорот за статусот на силите.

Писмото е од началникот на Воздухопловниот штаб на Чад, Идрис Амин. Писмото е напишано на француски, еден од официјалните јазици на Чад и напишано на официјалниот меморандум. Писмото не е испратено преку официјални дипломатски канали, што е стандарден начин за справување со овие прашања.

Oфицијалните лица во изјава за „CNN“ рекоа дека сите американски сили ќе мора да ја напуштат француската база во Нџамена.

Точниот број на американски војници во земјата не е јасен, но американски официјален претставник вели дека таму има помалку од 100 војници.

Пред еден месец, владата на Нигер раскина сличен договор со САД.

На сослушувањето во Сенатот, главниот командант на американските вооружени сили во африканскиот регион, генерал Мајкл Ленгли предупреди дека Русија се обидува „со забрзано темпо да ја преземе централна Африка и Сахел“ и тоа, како што нагласи, претставува „опасност за јужниот блок на НАТО“.

photo: Jerome Delay/AP