РИЗИКОТ ОД ХОСПИТАЛИЗАЦИЈА Е ДВОЈНО ПОГОЛЕМ - еве што кажуваат научниците за индискиот сој
Објавено во: Свет 18 Јуни, 2021
Британските лекари го идентификуваа индискиот сој на новиот коронавирус како најопасен и заразен.
Ова го покажува студијата објавена во специјализираното медицинско списание „Лансет“.
Специјалисти анализираа случаи на пациенти во Шкотска помеѓу 1 април и 28 мај оваа година. Кај 99 отсто од нив е извршен целосен преглед на текот на болеста. За време на разгледуваниот период, регистрирани се 19.543 потврдени случаи на вирусот.
Лекарите исто така забележуваат дека ризикот од хоспитализација е значително поголем кај пациенти кои имаат пет или повеќе други заболувања.
Истражувањата покажуваат дека вакцинацијата е сигурен начин да се намали ризикот од инфекција, иако „Астра Зенека“ и „Фајзер“ се помалку ефикасни против индиската верзија отколку кај британскиот сој. Сепак, лекарите наведуваат дека немаат доволно податоци за хоспитализирани пациенти со новиот коронавирус за да ги споредат вакцините.