Путин му ветил на Додик дека Република Српска нема да биде оставена сама
Објавено во: Балкан 27 Мај, 2023
Со Путин разговарав повеќе од еден час, за Република Српска постојат два правци, вели лидерот на босанските Срби, Милорад Додик.
Претседателот на ентитетот Република Српска, Милорад Додик денеска одржа прес-конференција на која зборуваше за неговата посета на Русија. Тој се пофали дека со претседателот на Русија Владимир Путин разговарал повеќе од еден час, пренесува Кликс.
„Имав можност да го запознаам Путин со декадентното однесување на Западот во однос на човек кој не е легално избран за висок претставник“, рече Додик.
Тој додаде дека со Путин разговарал и за тоа како Русија ќе се однесува во однос на можноста високиот претставник Кристијан Шмит да му наметне одредени решенија на овој ентитет во однос на државниот имот.
Додик истакна дека во случај Шмит да наложи одлука за државниот имот на РС, истиот ден ќе одржи седница на Националното собрание и ќе донесе одлука за идниот статус на Република Српска.
„Постојат два правци – едниот е да исчезнеме и да престанеме да постоиме, а другиот е да ја зачуваме нашата независност. Морам да кажам дека одговорот што го добив е навистина охрабрувачки. Путин ја разбира ситуацијата и РС нема да биде оставена сама“, нагласи Додик.
Тој заклучи дека Русија отсекогаш го слушала гласот што доаѓа од ентитетот РС.
Синоќа на митингот во Белград, Додик порача „Да живее Србија, да живее Република Српска, да живее Русија“. Инаку, Додик често ја споменува идејата за отцепување на Република Српска од Босна и Херцеговина (БиХ).
foto facebook/milorad dodik
Можеби ќе ве интересира
ЕВЕ ШТО СЕ СЛУЧУВА СО СЛУЧАЈОТ „РИБНИКАР“: Две вештачења се клучни, а Коста дивее во болницата, сака да излезе надвор
ВОЗАЧОТ НА „АВТОБУСОТ НА СМРТТА“ ОД ЦРНА ГОРА ТЕЛЕФОНИРАЛ И БРОЕЛ ПАРИ?! Сослушаните патници дале контрадикторни изјави, тој се пожалил дека изгубил свест!
„НИ АМЕРИКАНЦИТЕ, НИ РУСИТЕ НЕМА ДА МИ КАЖАТ ШТО ДА ПРАВАМ“: Вучиќ без пардон на Генералното Собрание на ОН во Њујорк
ЖРТВИ ИМ БИЛЕ ДЕЦА НА ВОЗРАСТ ОД 3 ДО 14 ГОДИНИ: Во Србија е уапсена група педофили
Косовските власти уапсија тројца Срби од Звечан и Северна Митровица
Бугарскиот амбасадор во Албанија дели таблети и телефони на Македонците за да се попишат како Бугари
Свечља се закани дека ќе го уапсат Вучиќ ако дојде во Грачаница без дозвола
ЕВЕ КОИ СЕ НАЈПЛАТЕНИТЕ РАБОТНИ МЕСТА ВО СРБИЈА: Од речиси 3 милиони работници, ИТ и занаетчиите во предност
