Опаѓа бројот на смртни случаи од коронавирусот во Италија

Добивај вести на Viber

Здравствените власти на Италија, прв пат денеска објавија дека има речиси 20 проценти намалување на смртноста во однос на вчерашниот ден. Денеска се регистрирани вкупно 651 нови смртни случаи, за разлика од вчера, кога починаа 793 лица починаа од вирусот. Вкупниот број на смртни случаи изнесува во најпогодената европска земја е 5.476, а до сега има  близу 60.000 пациенти со коронавирус. Дневната стапка на нови инфекции исто така забави, со пораст од девет проценти, споредено со просек од околу 15 отсто во изминатите две недели.

Здравствените власти предупредуваат дека битката сè уште не е добиена, но италијанските власти по првпат внимателно изразија надеж за скоро повлекување на коронавирусот.

– Бројките објавени денеска се помали од вчера. Се надевам, и се надеваме дека намалувањето ќе биде потврдено деновиве, но мораме и натаму да бидеме внимателни, изјави синоќа шефот на Цивилната заштита Анџело Борели.

Од италијанскиот санитарен инспекторат велат дека се ште е прерано за радост. – Не смееме претерано да се занесуваме, ниту да даваме преголема важност на денешните податоци, но тоа е знак на кој гледаме позитивно. Првите строги мерки на изолација се донесени на 11 март. Очекувавме резултати по две до три седмици. Значи, следната седмица секако ќе биде пресудна и очекуваме потврда дека трендот е сега обратен, истакна Францо Локатели, директор на италијанскиот санитарен инспекторат.