Протоколот ќе биде објавен кога ќе биде потпишан - Левица обвини дека власта го крие

Добивај вести на Viber

Oд политичката партија Левица велат дека Арбер Адеми отворено покажа дека власта го крие протоколот. 

Претседателот на Комисијата за европски прашања, Арбер Адеми, кажа дека Протоколот не се објавува под изговор дека истиот не е финализиран и потпишан.

„Во Општиот став на ЕУ, кој се однесува на отворање на преговорите со Македонија, јасно се упатува на член 12 од Договорот со Бугарија и на Протоколот, кој шминкерски се нарекува Годишен извештај или преглед. Со други зборови ПРОТОКОЛОТ Е ДЕЛ ОД „ФРАНЦУСКИОТ" ПРЕДЛОГ. Имајќи го ова предвид, како може Протоколот да не е финализиран, кога истиот е дел од „францускиот" предлог? Или пак ако истиот навистина не е финализиран, тогаш како Собрание ќе одлучува по „францускиот" предлог кога дел од тој предлог е нефинализиран Протокол? Основна карактеристика на демократија се информирани граѓани и носење одлуки транспарентно врз основа на информации. Денешната прес-конференција е класична прес-конференција на автократски режим чија цел не е да информира, туку да ја манипулира јавноста и да шири дезинформации. Затоа ве повикуваме и денес, во 19 часот, да излеземе масовно на протест за да му кажеме НЕ на хибридниот режим и неговите автократски методи!“, велат од Левица. 

Адеми денеска изјави дека протоколот ќе биде објавен во јавност откако ќе биде потпишан.