Промоција на изданието „Костимот во Македонија од појавата на фотографијата до денес“ од Зорка Тодорова-Младеновиќ
![](/media/main/2024/03/20240304121531.jpg)
Објавено во: Мои пари 04 Март, 2024
Утре, 5 март, со почеток во18:30 часот, во Музејот на македонската борба, издавачката куќа „Арс Ламина“ ќе одржи промоција на изданието „Костимот во Македонија од појавата на фотографијата до денес“ од авторката Зорка Тодорова-Младеновиќ. Во промотивниот дел ќе учествуваат универзитетската професорка и модна дизајнерка, Лидија Георгиева, во улога на промотор, уредничката на изданието, Бисера Бендевска, како модератор и авторката Зорка Тодорова-Младеновиќ.
Фотомонографијата „Костимот во Македонија од појавата на фотографијата до денес“ ги сублимира сознанијата и знаењата здобиени од стручната наобразба на авторката во областа на костимографијата и на модниот дизајн, но и од работните искуства, пред сè како филмски и музејски костимограф. Повикувајќи се на големите студии на проф. д-р Ѓорѓи Здравев за македонските народни носии, на д-р Воислав С. Радовановиќ, кој се фокусирал на раскошноста на мариовската носија и на неколкумина други македонски стручни лица, етнолози, и потпирајќи се на својот вроден раскажувачки талент, Тодорова-Младеновиќ создаде читлив и рецептивен текст интересен за стручната јавност, но и за секој љубопитник што го интересира развојот на облеката во Македонија од првите фотографски записи, па до денес. Стилот на пишување е белетризиран и збогатен со цитати од македонската книжевност, конкретно од романот „Крпен живот“ на Стале Попов во кој детално се опишуваат постапките на креирање облека во домаќинството, а вклучени се и сведоштва на историски личности од почетокот на 20 век во Македонија, кои зборуваат за други аспекти на облекувањето во тоа време. Книгата е збогатена со многубројни фотографии од приватната архива на авторката и од други извори, педантно забележани во книгата.
Зорка Тодорова-Младеновиќ (1943) е моден креатор, костимограф, автор и новинар. По дипломирањето на Националната школа за декоративни уметности во Париз, Франција, во 1968 година, се вработува во Радио-телевизија Скопје како костимограф за ТВ-серии, драми и музичко-забавни емисии. Истовремено работи костимографии и за играни филмови („Мементо“, „Жед“, „Истрел“, „Исправи се Делфина“, „Црвениот коњ“, „Хај-фај“, „Војната заврши“ итн.), и за театарски претстави (во Драмски театар, Кумановски театар, Битолски театар, Театар на националностите, Театар „Пралипе“ итн.). Во текот на својот работен век пишува и текстови за мода во македонските дневни и периодични изданија („Починка“, „Екран“, „Вечер“, „Нова Македонија“, „Журнал“, „Просветена жена“ и др.), а одреден период го уредува специјализираното списание „Текстилен информатор“.
По пензионирањето, Тодорова-Младеновиќ реализира околу 200 историски костими за восочните фигури изложени во редовните поставки на Музејот на македонската борба за државност и самостојност, како и во Археолошкиот музеј во Скопје.
Книгата „Костимот во Македонија од појавата на фотографијата до денес“ е достапна во книжарниците на „Литература.мк“ и онлајн на интернет-продавницата „Литература.мк“, на следниот линк:https://www.literatura.mk/fotografija/42607-kostimot-vo-makedonija
ПР објава
Можеби ќе ве интересира
Samsung ве поканува на Galaxy AI Café на брегот на прекрасното Охридско Езеро
![](/media/main/250x170/2024/07/20240726144746.jpg)
ХАЈДЕЛБЕРГ ФАКУЛТЕТ ВО СКОПЈЕ ПАРТНЕР НА ФРАНКФУРТСКИОТ УНИВЕРЗИТЕТ
![](/media/main/250x170/2024/07/20240726135719.jpg)
ТИПСТЕР МАНИЈА, ТУРНИР ЗА СПОРТСКО ОБЛОЖУВАЊЕ НА 2win.мк
![](/media/main/250x170/2024/07/20240726110541.jpg)
Во Шведска, каде драматично се намали бројот на смртни случаи од тутун, никотинот не е непријател
![](/media/main/250x170/2024/07/20240726100633.png)
Хоратиус Радиксименуван за нов комерцијален директор на Кромберг и Шуберт во Битола и Скопје
Успешна и профитабилна прва половина од годината за НЛБ Банка
![](/media/main/250x170/2024/07/20240725163006.jpg)
Новиот Transporter – Совршено работно место за професионалци во движење
![](/media/main/250x170/2024/07/20240725132128.png)
Македонски Телеком го постави првиот подводен оптички кабел во Македонија
![](/media/main/250x170/2024/07/20240725120709.jpg)
Сава пензиско друштво а.д. Скопје преку иницијативата „Вие ажурирате, Ние Донираме“ обезбеди донација за ЈЗУ УК за респираторни заболувања кај децата Козле Скопје
![](/media/main/250x170/2024/07/20240725111824.jpg)