ПроКредит Банка организира работилница за дигитална трансформација на малите бизниси во Струмица

Добивај вести на Viber

По двете успешни бизнис конференции во рамки на иницијативата „Дигитална еволуција“, ПроКредит Банка организира еднодневна работилница за дигитална трансформација во соработка со Go Digital и IME програмата, која ќе се одржи на 24 април во Струмица во хотел Eterno од 10:00 до 14:00 часот.

Работилницата ќе биде предводена од Јован Димитров и Димитар Бардаров, сертифицирани експерти за дигитална трансформација.

Јован Димитров, кој доаѓа од Центарот за дигитална трансформација Go Digital, има докажано искуство во ИКТ индустријата, менаџирање со човечки ресурси и финансискиот и банкарски сектор. Поседува диплома за менаџирање на интернет бизниси со силен фокус на финансии.

Димитар Бардаров поседува долгогодишно искуство во ИКТ индустријата, со главен фокус на креирање врвно дигитално корисничко искуство преку дигитални канали и платформи и е одговорен за дигитализација при IME програмата.

Оваа иницијатива на банката е посветена на унапредување на дигитализацијата во македонскиот бизнис сектор со посебен фокус на малите и средни претпријатија. Токму затоа, овој пат настанот е структуиран во форма на работилница и има за цел да обезбеди директна, интерактивна поддршка за претпријатијата кои се подготвени да започнат со автоматизирани или да ги унапредатсвоите дигитални процеси.

„Дигиталната трансформација не е веќе прашање на избор, туку предуслов за одржлив раст и конкурентност, бидејќи носи бројни придобивки како што се оптимизација на работните процеси, автоматизација, подобра услуга за клиентите и поголема флексибилност и ефикасност. На овој настан, во соработка со експертите од Центарот за дигитална трансформација - Go Digital и IME програмата,  ќе ги запознаеме учесниците со конкретни алатки и чекори за нивна имплементација во секојдневното работење“ - истакнуваат од ПроКредит Банка.

Програмата на еднодневната обука е внимателно осмислена за да ги води учесниците низ целиот процес на дигитална трансформација – од запознавање со клучните трендови, преку анализа на моменталната состојба на нивната компанија, до практични чекори за спроведување промени.

Ќе се зборува за дигиталната трансформација не само како технолошка, туку и како стратешка и културна промена во компанијата од аспект на ефикасност, продуктивност и конкурентност. Преку практична работа и размена на искуства, секој учесник ќе може да направи проценка на дигиталната зрелост на својата компанија, како и да ги препознае трендовите што најмногу одговараат на неговото работење.

Пријавете се на овој линк и резервирајте го вашето место. Бројот на учесници е ограничен.