Продолжува волонтерската програма на ЕВН
Над 30 проекти и 3.200 часа за подобар квалитет на живот во заедниците
Објавено во: Мои пари 19 Октомври, 2018
Продолжува
програмата„ЕВН Волонтира“ чија што
цел е да го мотивира волонтерството кај вработените во ЕВН Македонија. Покрај
досега реализираните над 30 волонтерски проекти, вработените се заложија за
реализација на нови 66.
Волонтерите од ЕВН посветија над 3.200 часови во унапредувањето на квалитетот на живот во нивните локални заедници. Вработените својот труд го посветија на реновирање на училишта, градинки и установи за згрижување на посебни категории на граѓани, поправка на оштетена инсталација, готвење, уредување на јавни зелени површини, чистење и селекција на отпад, организирање на работилници за деца и слично. Активностите се реализирани низ речиси сите градови и населени места во Македонија.
„Целта на овој проект е да се пренесе порака дека секој индивидуалец и секоја компанија е способна да направи добро дело за заедницата“, порача на годинешната средба на волонтерите, претседателот на Управниот одбор на ЕВН Македонија, г-дин Штефан Петер.
Оваа програма е единствена по тоа што овозможува системско решавање на волонтерството во компанијата. Секој вработен има можност да реализира волонтерска активност во работното време, а „ЕВН Волонтира“ на вработените им дава поддршка во целиот процес – од обмислување до реализација на активостите. Тоа е особено важно поради тоа што волонтерството во Македонија е во зародиш, и ваквите иницијативи помагаат за интензивирање и афирмирање на волонтерството на ниво на државата.
ЕВН и во иднина ќе ги мотивира вработените да продолжат со волонтирање во заедниците. Охрабрувачки е тоа што над 80% од нив за прв пат волонтирале преку оваа програма, а сите повторно имаат желба за учество во нови волонтерски акции.
Можеби ќе ве интересира
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
Во понеделник ќе се одржи второто издание на “Freelance Conference”
