Преку МојДДВ за шест месеци 7 милиони евра биле вратени кај граѓаните
Објавено во: Економија 06 Март, 2020
Седум милиони евра е сумата која била вратена назад кај граѓаните за период од шест месеци.
Ова го тврди министерката за финансии Нина Ангеловска која посочува дека мерката со скенирање фискални сметки дава резултат во борбата со сивата економија.
Во емсијата Топ тема на Телма, Ангеловска истакна и дека наплатата на ДДВ е подобрена и забележала раст од 11 проценти.
„МојДДВ е успешна мерка која дава резултати а доказ за тоа е Cost benefit анализата. Од јули до крајот на 2019 од воведување на мерката, ако ги погледнеме резултатите заклулчуваме дека мерката е стимул за наплата на приходите“, рече Ангеловска.
Министерката меѓу другото кажа и дека се повеќе граѓани бараат, но и скенираат фискални сметки а во бројки тоа се околу 260 000 граѓани.