ПРЕДЛОГОТ ЗА КАНДИДАТ ЗА ИДЕН ГУВЕРНЕР ЌЕ СЕ ЗНАЕ НА ПОЧЕТОКОТ НА СЛЕДНАТА НЕДЕЛА - кој ќе седне на престижната функција во Народната банка
Објавено во: Финансии 09 Мај, 2025 12:52
На почетокот на наредната недела најверојатно ќе се знае кој ќе биде предлогот на претседателката Гордана Силјановска Давкова за избор на новиот гувернер на Македонија, за кој во Собранието треба да се гласа на 21 мај оваа година.
Според сознанијата на Фактор, законските рокови не се надминати, така што, доколку предлогот се достави на почетокот на следната недела, тоа би било сосема коректен термин за народните избраници да изградат свој став за кандидатот за прв човек на момнетарната власт, со неговите стручни знаења и способности, но и со пограмата според која би работел во својот мандат во следните седум години, колку што трае мандатот на гувернер на централната банка.
Она што останува за следните неколку дена е да се направат сите потребни финални консултации, за првата дама на земјава да донесе конечна одлука кој би бил претендентот за човек кој во следните седум години ќе се бори со инфлацијата и ќе го чува девизниот курс на домашната валута на земјава. Чисто како информација, во недела претседателката ќе го прослави и својот роденден.
Како што објави Фактор, во игра се четворица кандидати, и тоа актуелната гувернерка Анита Бежоска Ангеловска, која има право на реизбор и за следните години, потоа поранешните министри за финансии, Зоран Ставрески и Трајко Славески, како и за Маја Кадиевска Војновиќ, актуелна членка на Надзорниот одбор на КИБС. На анкетите за можен гувернер се споменува и името на професорот Борче Треновски.
Овие имиња биле ставени и на анкети меѓу граѓаните, а кои треба да и помогнат на владејачката гарнитура да го направи најдобриот избор за компетентен кадар кој треба да седне на оваа престижна функција.
Гувернерот се бира на предлог на претседателот на државата, а се избира во Собранието на Македонија, за што се потребни 61 глас, односно мнозинство од вкупниот број пратеници во Собранието на Македонија.
Гувернерот има основна задача да ја претставува НБМ, да ги претставува монетарната и политиката на девизен курс, одлучува за издавање дозволи на финансиски институции, ги одзема дозволите, се грижи за подржување на ниски цени, стабилен курс на денарорт, ги контролира банките и слично.
Н.Н.Ф.
Можеби ќе ве интересира
Рекорд на пазарот на недвижности: Пентхаус во Дубаи продаден за речиси 130 милиони евра
Дали се руши хрватскиот сон? Половина од платата оди за даноци, становите се прескапи, подобро е дома
„Ти си Балканец, ќе ни работиш за џабе“: Што навистина значи животот и работата во Швајцарска
„Тука луѓето откопуваат злато“: На 2 часа од Скопје пронајдена населба постара од онаа на Инките и Маите
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Еве каде да ги најдете најдобрите половни автомобили во Европа: Возачите возат помалку километри и ги чуваат подолго
РАБОТА ОД СОНИШТАТА ВО ГЕРМАНИЈА: Плата до 90.000 евра, повеќе од 60 дена одмор - еве како да ја добиете
ФЕД ПО ТРЕТ ПАТ ГИ НАМАЛИ КАМАТИТЕ: Пауел вели засега е доволно
ГАРАЖА ВО АЕРОДРОМ ПРОДАДЕНА ЗА 30 ИЛЈАДИ ЕВРА, А ЗА КВАДРАТ ЗА СТАН ВО ЦЕНТАР ПЛАТЕНИ БЛИЗУ 3.000 ЕВРА: Еве каде и за што се давале најмногу пари
