Пожарот во ковид болницата во Романија каде изгореа девет пациенти ќе се третира како убиство
Објавено во: Балкан 02 Октомври, 2021 17:14
Истрагата за пожарот во романската ковид болница во Констанца каде загинаа девет луѓе се води како „Убиство“.
„Ројтерс“ обjави дека ова е трет сличен случај за помалку од една година во земјата. Пожарот избил на првиот кат на зградата, а засега не е познато дали избил на одделението или во лекарска ординација, пишува digi24.ro. Целиот случај ќе се води како кривично дело повеќекратно убиство, рекол извор од судството за новинската агенција “Адјепрес”. Тим од инспектори е на местото на несреќата. Во болницата имало 113 пациенти за време на пожарот, како и 10 на одделението на интензивна нега.
Во февруари во пожар во ковид-болница во Букурешт загинаа четири пациенти. Минатиот ноември, 10 луѓе загинаа на одделението за интензивна нега во окружната болница во градот Пјатра Њамц.
Во земјава во ковид болницата во Тетово изгореа 14 луѓе, а но засега не се знае каков ќе биде епилогот и кој ќе сноси одговорност.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
