Поврат на ДДВ за граѓаните: Кои се двете општини каде ќе се проба проектот
Објавено во: Финансии 30 Јули, 2018
Најави има, но на терен ништо конкретно. Повратот на данокот на додадена вредност (ДДВ) за граѓаните требаше дапочне во втората половина од оваа година во две пилот општини, но засега стартот не е официјализиран. Од Министерството за финансии велат дека нема никакво поместување, иако се тврди дека останува идејата оваа мерка да сереализира од почетокот на следнатагодина. За да почне, како што најави и премиерот Зоран Заев, требаше, деталите за функционалноста во два региони да сеиспитуваат веќе овој јули. Кога ќе почне „пробата“, нема одговор.
„Засега нема никакво поместување во таа насока. Кога ќе има детали ќе бидат обелоденети, велат од Министерството за финансии.
Фактор ги праша зошто и покрај најавите проектот за поврат на ДДВ кај граѓаните не почна во двете пилот општини. Не се знае ниту кои се тие две општини ниту пак, како точно ќе се спроведе реформата.
Директорката на Управата за јавни приходи Сања Лукаревска во последното интервју, минатата недела рече дека, следна даночна реформа на која работи УЈП е токму оваа реформа.
„Управата за јавни приходи превзема активности за имплементација на Проектот „Повеќе пари кај граѓаните“ кој треба да овозможи поврат на 15 отсто од износот на платениот ДДВ на физички лица, рече Лукаревска.
Премиерот Зоран Заев најавуваше дека ако се враќа по 15 отсто од ДДВ кој е исплатен при секоја фискална сметка кај граѓаните ќе завршува на годишно ниво од 25.000 до 30.000 денари или една просечна плата. Како што најави и самиот, на мерката ќе и претходи пилот проект кој ќе се реализира во два региони во Македонија за да се утврди дали системот ќе функционира.
- Ваков систем изискува соодветна административна подготовка. Во второ полугодие на 2018 ќе го испробаме овој систем на две места во Македонија за да го провериме неговото функционирање и за да ги слушнеме ставовите, да ги утврдиме предностите и слабостите. Ако системот функционира, граѓаните ќе бидат мотивирани и ќе си бараат фискална сметка насекаде, а преку тоа целиот систем на уплатана ДДВ ќе се зголеми. Ова е механизам кој успева во одредени земји. Ако двата региони ги дадат овие резултати, во 2019 одиме низ цела територија, изјави премиерот.
Сепак засега од пилотот нема ништо.
А.Т.
Можеби ќе ве интересира
БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците
„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена
ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони
НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома
СКАПИ ВИ СЕ ТАКСИ УСЛУГИТЕ? Еве колку плаќаме кај нас а колку во светот
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
НАД 900 МИЛИОНИ ЕВРА СВРТЕНИ ВО НЕДВИЖНИНИ - најмногу се купувале станови, но ни куќите не заостануваат
БЛАГОДАРЕНИЕ НА НЕГО, НОРВЕЖАНИТЕ ЗНААТ КАДЕ ИМ СЕ ПАРИТЕ: Кој е Николај Танген?
„УПС, СЕ ИЗВИНУВАМЕ“: Даночната управа на Црна Гора по грешка ја вклучи американската амбасада на листата на најголеми должници
