Повик за Менторска програма за млади професионалци
Објавено во: Мои пари 30 Август, 2016
Врз основа на член 58 од Статутот на Друштвото (КД Фондови), а со цел унапредување на својот работен делокруг, извршниот директор за односи со вложувачите го објавува следниот ПОВИК ЗА УЧЕСТВО во Менторска програма за млади професионалци.
Критериуми кои треба да ги исполнуваат потенцијалните кандидати:
- Да се на возраст до 27 години;
- Да имаат стекнато високообразовна квалификација или да се запишани во последната година на студии од областа на општествените науки;
- Да се елоквентни и умешни при отпочнувањето на конверзација со луѓе од различна професија, возрасна група, пол и социјален статус;
- Да негуваат деловен изглед;
- Да поседуваат добра репутација.
- Автобиографија (CV)
- Детално разработено пропратно писмо, во кое јасно и детално ќе бидат опишани замислата и решеноста на кандидатот за успех во дејноста која ја извршува КД Фондови АД Скопје. Добро структурираното пропратно писмо е од клучно значење за Вашата апликација во процесот на селекција на кандидатите. Поради тоа, за неговата подготовка, информирајте се за мисијата, вредностите и бизнисот на нашата финансиска институција преку веб странава, како и преку групациската веб страна: www.kd-group.com/en/.