Повеќе македонски возила вратени од бугарската граница кај Ново село: Двата гранични премини остануваат затворени
Објавено во: Македонија 05 Мај, 2021 09:05
Македонски граѓани секојдневно се враќаат од граничните премин Ново село и Делчево кон Бугарија. Бугарските гранични служби никако не дозволуваат Македонци да влезат на нивна територија и со обезбеден негативен ПЦР тест кој е нужен за влезот. Тие ги враќаат граѓаните назад, да одат кон граничниот премин Деве Баир - Ѓуешево затоа само тој премин моментно функционира за влез кон Бугарија. Забраната за влез во Бугарија на другите два премини беше соопштена во февруари годинава, но одлуките за рестрикциите и условите за влез често се ревидираат од страна на сите држави од соседството, па граѓаните не секогаш знаат точно. За празниците кои поминаа и слободните четири дена повеќе наши сограѓани заминаа некаде, а засилен беше интересот и за Бугарија. Со направен ПЦР тест, границата се поминува без проблем, но не и кај Ново село. Таму колона од македонски возила била вратена и патниците, меѓу кои имало и доста деца биле вратени назад кон Македонија. Патниците за Фактор сведочат дека по враќањето морале повторно да заминат кон Македонија па кон Деве Баир од каде отишле во Бугарија.
„Изгубивме околу 4 часа, односно возевме плус уште толку. Не е ничија вина, туку наша, не сме биле информирани, но откако се вративме разбравме дека тоа не го знаат и многу други луѓе. Добро е да се знае затоа што тоа е секојдневие, односно секојдневно македонски државјани се принудени да се враќаат, вели нашиот соговорник.
Бугарија соопшти во февруари дека за влез во земјата ќе биде отворен Деве Баир-Ѓуешево, при што граѓаните кои поминуваат мора да приложат негативен ПЦР ковид тест. На останатите два гранични премина Делчево и Ново Село,може да поминуваат само возачи на тешки моторни возила кои ќе транзитираат, но и македонски студенти и ученици кои учат во Бугарија. За нив не се бара да приложат доказ дека се негативни на Ковид-19 , а студентите мора да потврдат дека студираат во Бугарија.
Од тогаш секојдневно некој е вратен од Ново село и Делчево.
„Од 17 февруари, Бугарија направи промена во рестриктивните мерки за спречување на ширење на пандемијата од ковид-19, при што за влез во Бугарија на македонски државјани кои планираат да престојуваат краток или подолг период отворен е само граничниот премин Деве Баир-Ѓуешево, а на сите тие лица при влез им се бара поседување негативен ПЦР ковид тест“, велат од МВР.
Апелираат граѓаните да внимаваат и да се информираат пред патувањето.
А.Т.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ФАКТОР НА ДЕНОТ: Владата демантира преговори со Британија за прифаќање азиланти
БОPЕНКА ја заокружува есенската сезона на 5 декември, Светски ден на волонтерите и Светски ден на почвите
Исповед на Надалина, ќерката на актуелниот градоначалник на Кочани која ја преживеа трагедијата: Последната слика на која се сеќавам е луѓе како врескаат, обидувајќи се да излезат
(ВИДЕО) ОГРОМНА ПУКНАТИНА ВО ЛИПКОВО: Жителите се вознемирени
Прекршочна за Менди Ќира и Општина Струга: На прославата за Денот на алабнското знаме изостана македонското знаме
ЛЕКОВИ, ЦИГАРИ, ЖЕСТОКИ ПИЈАЛОЦИ, ЌИЛИМИ - Цариниците со голема заплена, еве каде биле скриени предметите
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
