Поскапеа маслото, млекото, житариците, шеќерот - цените на храната уриваат рекорди
Објавено во: Економија 07 Октомври, 2021
На светско ниво, цените на храната уриваат рекорди. Пченицата, маслото, млекото се само дел од продуктите кои поскапеа.
Шеќерот поскапе за 0,5 отсто во однос на август поради неповолните временски услови во најголемиот извозник – Бразил.
Цените на житните култури најмногу се зголемија минатиот месец, за два отсто во споредба со август. Растителните масла поскапеа, за 1,7 отсто во споредба со август, поради растот на цената на палминото масло. Во споредба со минатиот септември, цените на растителните масла се повисоки за околу 60 отсто. Цените на млекото и млечните производи се повисоки за 1,5 отсто.
Цените на храната пораснаа во септември на светските пазари, втор месец по ред. Тие се на највисоко ниво во изминатите десет години, поттикнати од поскапувањето на житариците и растителните масла, објави денеска Агенцијата за храна на Обединетите нации (ФАО).
Статистичките податоци покажуваат дека трошоците за живот во Македонија се зголемиле.