Поранешен советник се закани дека ќе фрли молотов коктел на куќата на Курти ако прифати Заедница на српски општини
Објавено во: Балкан 21 Март, 2023
На Косово има отпор за формирањето на Заедницата на српски општини (ЗСО). Eкс советникот на косовскиот премиер Албин Курти, Шкељзен Гаши, најави дека ќе гаѓа во куќата на Курти со „молотов коктел“ ако тој формира заедница на општини со српско мнозинство.
„Овде сите знаеме да читаме и пишуваме, ако се покаже дека Курти во финалниот документ предвидува овластувања за Србите, кои се исти како договорот од 2013 и 2015 година, тогаш нема да се задржувам на критиките во студиото, ниту на протести“, рече Гаши, а пренесе „Зери“.
Гаши се закани со радикални мерки.
„Ќе отидам во неговата куќа и ќе фрлам ‘молотови коктели’“, рече Гаши.
Србија инсистира да се формира Заедницата на српски општини. За српскиот претседател Александар Вучиќ црвени линии се да не го признаат Косово и да не дозволат негов прием во Обединетите нации.