ПОРАДИ ТЕНЗИИТЕ ВО РЕГИОНОТ: Јордан ја стави војската во состојба на готовност
Објавено во: Свет 01 Октомври, 2024 21:01
Поради состојбата во регионот, армијата на Јордан објави дека сите единици и формации во нејзините вооружени сили се ставени во состојба на висока готовност за да се спротивстават на сите обиди кои ја загрозуваат безбедноста и стабилноста на кралството.
Јорданската управа за јавна безбедност тврди дека противвоздушната одбрана пресретнала ракети и беспилотни летала за време на денешниот ирански напад врз Израел.
„Кралското јорданско воздухопловство и системите за противвоздушна одбрана одговорија на бројни проектили и беспилотни летала кои влегоа во јорданскиот воздушен простор“, велат тие.
Во 1994 година, Јордан стана втората арапска земја која воспостави дипломатски врски со Израел. Двете земји имаат силна безбедносна и разузнавачка соработка. Сепак, односите меѓу Аман и Ерусалим, често затегнати во последниве години, станаа значително понапнати од почетокот на израелската војна со палестинската терористичка група Хамас.
Изралските безбедносни сили (ИДФ) објавија дека граѓаните на Израел може да ги напуштат засолништата откако Иран изврши ракетен напад врз земјата. Првичните проценки на Израел се дека Иран истрелал 180 проектили. Соединетите Американски Држави соопштија дека нивната војска учествувала во соборувањето на ракетите кои Иран ги истрела кон Израел. Засега нема информации за повредени или загинати во нападите.
Можеби ќе ве интересира
Новиот папа го прими Зеленски на денот на инаугурацијата
Украинците тврдат: Русија ќе испали ракета со дострел од 10.000 километри вечерва
Мексикански едреник удри во бруклинскиот мост, двајца починати
„САКАМЕ ДА ГО РЕШИМЕ ОВОЈ ПРОБЛЕМ ЗАЕДНО, НЕ ДА ЗАВРШИ ВО ГЕРМАНИЈА“: Мерц тврди миграциската политика е во согласност со соседите
ПАНИКА ВО ЧЕШКА - Американец ставен во изолација поради сомневање за ЕБОЛА: Бил во контакт со 26 лица
ШВАЈЦАРЦИТЕ СЕ СООЧУВААТ СО ГОЛЕМ ПРОБЛЕМ: Откажани 1.400 летови, авиокомпанијата ја откри причината
„Русија војуваше со Шведска 21 година, колку долго може да издржите“: шефот на руската делегација во Турција им побара на Украинците
ТРАМП ЗАКАЖА РАЗГОВОРОТ СО ПУТИН! Дали судбината на Украина ќе биде решена на ОВОЈ ДАТУМ? „Да го запреме ова крвопролевање!“
