ПОРАДИ ДЕФЕКТ НА МОТОРОТ - Хонда повлекува 250.000 автомобили во САД - еве од кои години

Добивај вести на Viber

 „Хонда“ повлекува речиси 250.000 возила во САД поради неисправности во производството што може да го оштетат моторот, јавуваат западните медиуми.

Според известувањето што производителот на автомобили го поднесе до американската Национална управа за безбедност на сообраќајот на патиштата, дел од моторите на моделите „Акура“ и „Хонда“ може да предизвикаат „неправилно функционирање или застој на моторот во возење“, зголемувајќи ја така опасноста од пожар, судир и повреди. Ова е 14-то повлекување автомобили на „Хонда“ оваа година и петто најголемо досега. Со тоа, бројот на „Хонда“ возила повлечени оваа 2023 година надмина три милиони.

Повлекувањето ги вклучува моделите „Акура Ти-ел-екс“ 2015-2020“ и „Ем-ди-екс 2016-2020“. Потенцијално засегнати се и „Хонда Одисеј“ од 2018. и 2019 година, „Пајлотс“ од 2016., 2018. и 2019., како и „Риџлајн“ произведени меѓу 2017. и 2019 година.

Honda is recalling nearly 250,000 cars, SUVs, and trucks in the US due to a manufacturing defect that may cause engine malfunction or stalling while driving. The affected vehicles include Acura TLX models from 2015 to 2020 and SUVs.

— Roy Smith (@stroetgrazjaz) November 20, 2023

„Хонда“ соопшти и дека сопствениците ќе бидат известени со писмо на почетокот на јануари, по што следи проверка, поправка и заменување на моторите бесплатно. 

Фото: Принтскрин/Твитер