ПОНИШТЕНИОТ ТАРИФНИК ГИ СПАСУВА ГРАЃАНИТЕ: Нотарските канцеларии заработуваат стотици илјади евра

Добивај вести на Viber

Нотари во Македонија остваруваат годишни добивки и до неколку стотина илјади евра, откако ќе ги исплатат своите вработени, закупот за канцеларијата и останатите трошоци. „Фактор“ ги обезбеди податоците за најголемите остварени профити на сопствениците на нотарските канцеларии за 2023. Најпрофитабилните пет од нив се канцеларии од Скопје.

Извор: Централен регистар

Новиот министер за правда Игор Филков најави дека ќе ја повлече одлуката за давање согласност за зголемување на нотарската тарифа, донесена од претходната власт. Како што соопшти Филков на брифинг со новинарите, пред да замине од министерската функција, Кренар Лога потпишал одлука со која од први септември беше предвидено зголемување на нотарските услуги за десет пати

Поранешниот министер за правда, десет дена пред да ја напушти функцијата ги покачил нотарските тарифи за два до десет пати. Оваа одлука била објавена во Службен весник на 12 јуни, но ниту Владата, ниту Министерството не објавија официјално соопштение.

Нотарите наплатуваат според Нотарска тарифа, со која се определува наградата за работата и надоместокот на трошоците во вршењето на службените дејствија од делокругот на работата на нотарот. Вториот дел од исплататa на нотарот е нотарската награда. А тука, колку е повеќе проценет предметот, толку повеќе си добива и нотарот. 

Според сега веќе поништениот тарифник, без разлика дали предметот е во вредност од 500 денари или 50 илјади евра, за составување на нотарскиот акт граѓаните ќе плаќаа 8.000 наместо досегашните 800 денари.

Составувањето на еднострани правни акти наместо 400 денари, ќе чинеше три пати повеќе или 1.300 денари. Двојно требаше да поскапат и заверките на потпис и превод.