Помошта од 6.000 денари ќе може да се користи без ограничување, тврдат од Владата
Објавено во: Економија 23 Декември, 2020
Помошта од 6.000 денари кои ја добиваат граѓаните од државата на своите сметки, ќе може да се користи без ограничување, децидни се од владата.
На денешната пресконференција, во врска со детали за текот на исплатата на финансиската поддршка во износ од 6.000 денари, којашто е наменета за речиси 283.000 граѓани од ранливите категории, владините портпароли нагласија дека таа може да се користи без ограничувања. Според нив, тоа е направено така со намера да се помогне уште повеќе и да се ослободат граѓаните од административни процедури.
Беше истакнато дека, на сметките на граѓаните вчера и денеска се уплатени вкупно 1.51 милијарди денари, или 24,6 милиони евра и целта е да им се помогне на ранливата категорија граѓани за полесно пребродување на кризата, а средствата кои ќе ги потрошат ќе се вратат во стопанството.