ПОМАЛКУ ИМОТИ ПОД ХИПОТЕКА?! - Вредноста на заложените имоти во првиот квартал достигнала 229 милиони евра
Објавено во: Економија 25 Мај, 2023 07:22
Спласнува ли интересот за купување станови или напротив се купуваат, но без притоа да се користат хипотекарни кредити.
Последните податоци на Агенцијата за катастар на недвижности покажуваат дека од почетокот на годинава под хипотека се ставени 1.670 имоти. Ако се направи споредба со истиот период минатата и предминатата година, ќе се забележи дека има намалување на имотите кои се ставаат под хипотека.
Имено, како што се гледа во кварталниот извештај на Катастар „во периодот јануари - март 2023 година се запишани товари врз недвижностите во вкупен број од 1.670 и со вкупна вредност од 229.025.353 евра и 3.319.570.447 денари“.
Што се однесува пак до минатата година, во истиот период под хипотека биле ставени 200 имоти повеќе и скоро двојно поголема вредност. Односно „во периодот јануари - март 2022 година се запишани товари врз недвижностите во вкупен број од 1.888 и со вкупна вредност од 481.422.672 евра и 2.257.521.859 денари“.
Во периодот јануари - март 2021 година под хипотека пак биле запишани 1.795 имоти, со вкупна вредност од 160.187.107 евра и 2.271.616.873 денари.
Дали падот на бројот на имоти кои се запишуваат под хипотека означува намален интерес за купување станови, или пак само намален интерес за хипотекарни кредити?
Градежниците велат дека интересот за станови во земајва не спласнува, но дека поради намалените дозволи за градба намалени се новите објекти, што заедно со растот на цените на градежните материјали доведе и до зголемување на цените на недвижнините.
Фактор веќе објави дека бројките за станбеното кредитирање упатуваат на забавување на овој сегмент од кредитните активности на банките. Согласно последните бројки на Народна Банка, во април во однос на еден месец претходно, односно март, кредитирањето на становите се зголемило за 0,5 проценти, додека, пак, ако гледаме како годишен раст, односно во април годинава во однос на април минатата година, кредитирањето е зголемено за 11,2 проценти.
Треба да се има предвид дека досега месечно растот на станбеното кредитирање беше по 1 отсто или 0,9 проценти, што значи дека сега станбеното кредитирање малку забавува.
П.О.Можеби ќе ве интересира
БЕХТЕЛ ЕНКА ОРГАНИЗИРА СРЕДБА СО ГРАДЕЖНАТА ИНДУСТРИЈА ВО СОРАБОТКА СО СТОПАНСКАТА КОМОРА НА СЕВЕРНА МАКЕДОНИЈА ЗА ПРЕТСТАВУВАЊЕ НА ПРЕТСТОЈНИТЕ МОЖНОСТИ НА КОРИДОРИТЕ 8 И 10Д
Tрговските тензии се намалија – пазарите воздивнаа
НЕ САКА САМО ДА СЕДИ ДОМА И ДА БРОИ ПАРИ, ТУКУ ДА МУ ПОДАРИ НА СВЕТОТ ПАТУВАЊЕ СО СТИЛ И ЛУКСУЗ - австралиски милијардер ќе гради Титаник II, еве ги деталите
РАСТ НА ИНДУСТРИСКОТО ПРОИЗВОДСТВО - енергетскиот сектор со најголем скок
Поранешната претседателка на Советот на Град Скопје стана член на Надзорниот одбор на „Мтел“
Македонски Телеком продолжува со силни инвестиции и раст и во првото тримесечје на 2025 година
МАЈКИТЕ ЗАСЕКОГАШ ЌЕ БИДАТ ОСЛОБОДЕНИ ОД ПЛАЌАЊЕ ДАНОК - таква одлука се донесе во една европска држава, ова се условите
„Алкалоид“ со раст на консолидираните продажби од 6 отсто, извоз од 57,4 милиони евра и инвестиции од 4,2 милиони евра во периодот јануари – март 2025 г.
ЗА СУМА ОД 1,55 МИЛИОНИ ЕВРА КУПЕНИ БЕЗМАЛКУ ЕДЕН ОТСТО ОД АКЦИИТЕ НА „МАКПЕТРОЛ“ - кому му беа навистина потребни пари
