Подобра бизнис клима во Македонија преку реформи во секторот туризам и угостителство
Објавено во: Мои пари 11 Декември, 2018
Денеска, 11.12.2018 година, Стопанската комора на Македонија и другите партнери на Проектот на УСАИД „Партнерство за подобра бизнис регулатива“, одржаа Форум за стратешки развој на туризмот и ефектите на државната политика за подобрување на бизнис климата во Македонија преку поттикнување на клучни реформи во секторот туризам и угостителство. Главниот фокус беше ставен на потребата од воведување категоризација и лиценци на угостителските објекти преку овозможување соодветен начин за регулирање на нелојалната конкуренција и поддршкa од државата преку креирање нови туристички производи, услуги и алатки со цел Македонија да стане атрактивна туристичка дестинација.
„Туризмот и угостителството се многу важни сектори во земјата и имаат огромен потенцијал за раст. Нивниот развој може да ја зајакне економијата, да го поттикне растот на руралните региони, го оживува природното и културното наследство, ја зголемува меѓународната препознатливост на Македонија и привлекува странски инвестиции, како и приходи од туризам. Исто така, има потенцијал да создаде стотици работни места, особено за младите“ – рече, Едвард Гонзалес, директор на Канцеларијата за општ развој на УСАИД во Македонија.
Овој сектор се соочува со уникатни предизвици на глобалниот пазар и бара специфични барања за квалификација, на кои е потребно навремено да се работи и да се адресираат соодветни решенија.
„Активно работиме на премостување на проблемите и предизвиците со кои компаниите во Македонија се соочуваат секојдневно. Денес сме тука како одговор на потребите на компаниите за подобрување на квалитетот на стандардите, лиценците и категоризацијата на угостителските објекти и регулирање на нелојалната конкуренција, како и потребата од квалитетна работна сила, со цел компаниите да бидат поконкурентни на пазарот“, изјави ДаниелаМихајловскаВасилевска, координаторнаДирекцијаназдруженијаирегионалникомори и на Здружението на туризмот и угостителството при Стопанската комора на Македонија. „Потребна е сеопфатна стратегија за развој на туризмот и угостителството и правна рамка за регулирање на овој сектор која може да се подобри со иницијативи и предлози кои произлегуваат од приватниот сектор“,додаде Љубомир Димовски, директор на „ЕПИЦЕНТАРИнтернационал“.
На Форумот присуствуваа претставници на бизнис заедницата, владини претставници, како и домашни експерти кои споделија свои искуства со предлози за развивање на секторот за туризам и угостителство, како и за усогласеност на компаниите со законската регулатива во Република Македонија. Овој форум е можност за учесниците да најдат решенија за подобрување на регулативите за туристичкиот и угостителскиот сектор.
По Форумот, коморите ќе ги сумираат решенијата во позициони документи и ќе ги претстават на министерот за економија и вицепремиерот за економски прашања на следниот состанок на Комисијата за јавно- приватен дијалог.
Можеби ќе ве интересира
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
