Почина жената што падна од 6-ти кат во Бутел
Објавено во: Македонија 10 Јуни, 2023
Почина младата жена која вчера попладне падна од 6-ти кат во скопската населба Бутел. Несреќата се случи во скопската населба Бутел, на улицата „Босна и Херцеговина“, а жената која во моментот била жива, но во многу тешка состојба, со возило на Брза помош беше однесена во болница.
„На 09.06.2023 во 19.45 часот во СВР Скопје било пријавено дека на плочник пред зграда на подрачје на Бутел била пронајдена С.Д.(20) од Скопје со тешки телесни повреди здобиени при пад од зграда. Таа била пренесена во Комплексот клиники „Мајка Тереза“, каде на 10.06.2023 во 00.30 часот починала“, соопшти попладнево МВР.
Увид бил извршен и за настанот бил известен јавен обвинител. Се преземаат мерки за расчистување на случајот.