Побрза ликвидација и стечај со европски пари
Објавено во: Економија 26 Септември, 2017
Македонија ќе добие европска помош за да ги подобри административните капацитети кога е во прашање спроведувањето на стечај и ликвидација на компаниите, два многу важни правни инструменти кои може со години да ги заглават како сопствениците кои ги основале фирмите, потоа содружниците и секако доверителите или соработниците.
„Уверен сум дека од овие активности освен Министерството за економија придобивка ќе има бизнис секторот и целото стопанство. За таа цел ќе се формира посебна работна група за обезбедување на препораките од проектот за зајакнување на административните капацитети како и од бизнисот за подобрување на законската рамка за стечај. Во која ќе учествуваат и институции кои ја имплементираат законската рамка и од нив ќе се очекуваат нови предлози за законски решенија“, рече Крешник Бектеши - министер за економија.
И евроамбасадорот Самуел Жбогар, изрази оптимизам во врска со работата на Министерството за економија. Овие активности беа промовирани во текот на првата меѓународна конференција во рамки на проектот „Засилување на Административниот капацитет за спроведување на законската рамка за стечај и ликвидност на трговските компании“, проект кој е организиран во рамките на ИПА програмата, финансиран од Европската Унија.
Можеби ќе ве интересира
„ЌЕ ГЛЕДАМЕ СЕКОЈ ДЕН КАКО ПРОПАЃА ПО ЕДНА БАНКА“:Милијардер има застрашувачки предвидувања за светската економија
РАСТ НА ТУРИСТИТЕ ВО КИНА - се повеќе се бараат услугите за изнајмување автомобили
KOJA E MИНИМАЛНАТА ПЛАТА ЗА КОЈА БИ РАБОТЕЛЕ: Што кога на интервју за работа ќе ви го постават ова прашање?
ПОРАДИ ЕНОРМНА ПОБАРУВАЧКА ОД РУРАЛНО ВО БИЗНИС СЕЛО - растечката индустрија на перики поттикна промени во источна Кина
ТОП 5: Продадоа најмногу струја во Македонија, двајца трговци се новоетаблирани од Албанија
КЕЛНЕРИ ВО ХРВАТСКА: Реална ли е платата од 2.000 евра?
НЕВРАБОТЕНОСТ ВО ЕУ: Koи земји се со најниска стапка?
