ПОБЕДА НА СРБИЈА НАД КОСОВО: Вучиќ се заблагодари и на Македонија
Објавено во: Балкан 10 Ноември, 2018
Српскиот претседател, Александар Вучиќ денеска се заблагодари на Македонија.
Вели дека го победиле Косово во Европската мрежа на оперативен систем за пренос на електрична енергија (ENTSO-E).
„Ова е мала победа за нас, среќни сме бидејќи Косово не успеа да го направи она што го планираше да го направи во енергетиката. Им благодарам на сите од квадрилатералата кои гласаа против Косово во оваа организација, но исто така и на Македонија и на Црна Гора, кои овој пат беа воздржани“ – рече Вучиќ.
Тој додаде дека му е благодарен бескрајно и на Виктор Орбан.
„Унгарија го призна независно Косово, но гласаше за Србија, односно против нивниот предлог, не беше ниту воздржана. Романија гласаше за нас, Бугарија гласаше за нас, иако го признаа независно Косово, ви благодарам. Грција гласаше за нас, БиХ гласаше за нас“ – изјави Вучиќ за новинарите.
За првпат, Македонија и Црна Гора беа воздржани, рече Вучиќ.