ПО ТРИ МЕСЕЦИ ОБНОВЕНА ЖЕЛЕЗНИЧКАТА ЛИНИЈА СОЛУН - АТИНА: Но, и понатаму има линии кои не се воспоставени
Објавено во: Балкан 11 Декември, 2023 09:39
По неколку месечен прекин поради штетата предизвикана од поплавите, се обновува железничката врска меѓу Солун и Атина, првично за товарните возови, а од сабота и за патничките, јави дописничката на МИА од Атина.
Од Министерството за инфраструктура и транспорт на Грција соопштија дека доцна синоќа бил пуштен во сообраќај првиот товарен воз, а од 16 декември ќе почнат да сообраќаат и патничките возови за целосно да се обнови железничкиот сообраќај.
Во првите месеци од 2024 година ќе започне и работата за целосно санирање на штетите на уште двете железнички делници во централна Грција, односно Лариса – Волос и Палеофарсалос – Каламбака, како и на туристичката линија во Пилио.
На почетокот на септември Грција ја зафати невремето „Даниел“ кое донесе поплави во централниот дел на земјата, како и материјална штета на патната и железничката инфраструктура, а кусо подоцна следеше и второ невреме во истата област, со што целосно беше прекинато железничкото поврзување меѓу Атина и Солун.
Можеби ќе ве интересира
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
(ВИДЕО) Вучиќ добил порака од Москва - како реагираше Фон дер Лајен?
