ПО РАСТОТ НА ЦЕНАТА НА СВЕТСКИТЕ ПАЗАРИ: Ќе скокне ли цената на горивата денес
Објавено во: Економија 13 Јануари, 2020
Минатата недела постпразнично паднаа цените на нафтените деривати во земјава, а дали тоа ќе биде случај и денес ќе дознаеме напладне кога регулаторна ќе го објави новиот ценовник по кој ќе се точат бензините и дизелот во следните седум дена.
Нафтата на светско ниво минатата недела забележа скок при што цените се вивнаа до небо поради иранскиот одмазднички напад.
Иран упати ракетен напад на адреса на американскиот трупи во Ирак како знак на одмазда за убиството на иранскиот генерал.
По тој напад сировата нафта од типот „Брент“ , како и американската нафта референтна за меѓународни цени пораснаа повеќе од три долари по барел, но цената потоа се повлече.
Индексот на Токиската берза паднал за скоро два отсто, но се надоместени некои загуби, додека индексот во Хонг Конг паднал за еден отсто.
Претходните неколку дена во земјава цените на бензините, дизелот и но и на екстра лесното масло за домаќинства беа во пад.