ПО ПАДОТ НА CREDIT SUISSE - Претседателот на Саудиската национална банка поднесе оставка
Објавено во: Финансии 27 Март, 2023 12:30
Амар Ал Кудаири, претседател на Саудиска национална банка, која е еден од најголемите акционери на Credit Suisse, поднесе оставка само неколку дена откако неговите коментари „придонесоа“ да се спушти вредноста на акциите на швајцарскрската банка, пишува Bloomberg.
Ал Кудаири, кој стана претседател на Саудиска национална банка во 2021 година, која беше создадена со спојувањето на Националната трговска банка и Самба финансиска група, заминува „од лични причини“ и ќе биде заменет од главниот извршен директор Саид Мохамед Ал Гамди, објави весникот.
Имено, во интервју за Блумберг на почетокот на месецов, Ал Кудаири на прашањето „дали Саудиската национална банка ќе биде отворена за понатамошни инвестиции во Credit Suisse“ доколку има уште еден повик за дополнителна ликвидност, одговори „апсолутно не“.
The chairman of Saudi National Bank resigns for "personal reasons" after his comments helped fuel a stock slump in Credit Suissehttps://t.co/TOoG5M8R7m
— Bloomberg (@business) March 27, 2023
Акциите на швајцарската банка паднаа на историски минимум по неговите коментари. Тоа исто така влијаеше да падне вредноста на сите европски банки надолу, бидејќи инвеститорите се оддалечија од ризикот по колапсот на три американски кредитори.
Неколку дена подоцна, UBS Group AG се согласи дека го купи Credit Suisse во историски договор со посредство на владата, чија цел е да се спречи кризата на доверба која почна да се шири низ глобалните финансиски пазари.
UBS понуди да плати 3 милијарди франци (3,3 милијарди долари) за својот ривал во зделката за сите акции што вклучува обемни владини гаранции и одредби за ликвидност.
Саудиската национална банка, која е 37 отсто во сопственост на државниот фонд на кралството, забележа пад на вредноста на нејзината инвестиција во Credit Suisse за околу 1 милијарда долари за неколку месеци, откако минатата година купи околу 9,9 отсто од акциите за 1,4 милијарди франци.
Можеби ќе ве интересира
Рекорд на пазарот на недвижности: Пентхаус во Дубаи продаден за речиси 130 милиони евра
Дали се руши хрватскиот сон? Половина од платата оди за даноци, становите се прескапи, подобро е дома
„Ти си Балканец, ќе ни работиш за џабе“: Што навистина значи животот и работата во Швајцарска
„Тука луѓето откопуваат злато“: На 2 часа од Скопје пронајдена населба постара од онаа на Инките и Маите
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Еве каде да ги најдете најдобрите половни автомобили во Европа: Возачите возат помалку километри и ги чуваат подолго
РАБОТА ОД СОНИШТАТА ВО ГЕРМАНИЈА: Плата до 90.000 евра, повеќе од 60 дена одмор - еве како да ја добиете
ФЕД ПО ТРЕТ ПАТ ГИ НАМАЛИ КАМАТИТЕ: Пауел вели засега е доволно
ГАРАЖА ВО АЕРОДРОМ ПРОДАДЕНА ЗА 30 ИЛЈАДИ ЕВРА, А ЗА КВАДРАТ ЗА СТАН ВО ЦЕНТАР ПЛАТЕНИ БЛИЗУ 3.000 ЕВРА: Еве каде и за што се давале најмногу пари
