28 Септември, 2020
0.0257

Плукајте по партиите и политичарите, а не по ракометарите

Објавено во: Македонија, Анализа 13 Јануари, 2020

Како никогаш досега дел од македонската јавност е максимално отруена следејќи го Европското првенство во ракомет на кое досега репрезентацијата на Македонија одигра два натпревара со еден пораз и победа. Тоа што најмногу ги загрева тензиите се коментарите на социјалните мрежи и написите на дел од пропагадните медиуми за политичко и партиско мешање во спортот, особено во репрезентацијата.

За жал наместо да се гледа ракомет како еден од најуспешните македонски спортови и да се навива за сопствената репрезентација, социјалните мрежи и онлајн медиумите вријат со говор на омраза, со навреди, пцовки, со повици да не се навива бидејќи одредени ракометари имале политички ставови.

„Да не се навива за репрезентацијата, затоа што Борко е во ВМРО-ДПМНЕ, да не се навива за ракометарите затоа што не изговарале Северна, да се вратат дома ракометарите затоа се скандирало Никогаш Северна“, се само дел од статусите на партиски активисти и функционери кои се обидуваат да прикажат дека само една партија се обидува да капитализира политички поени преку национализам и играње на патриотската карта.


Ракометарите како граѓани на оваа држава го имаат секое право да бидат политички определени, да членуваат во политички партии и да учествуваат во кампањи или пак да се борат за државни позиции. Никој не треба да му биде забрането јавно да изрази став, да покаже незадоволство од одредена политика или да критукува. Досега и македонските навивачи кои отпатуваа во Виена се максимално коректни на трибините, немаше ниту едно националистичко скандирање, ниту навреди на верска или етничка основа на какви сме биле сведоци на натпревари од минатото.

Напротив, таа позитивна атмосфера која била вообичаена за минатите години кога надвладуваше навивачка еуфорија кај македонскиот народ сега е нарушена со навреди кон дел од ракометарите само заради нивните политички определби.

Точно е дека врвни спортисти не смеат да ја злоупотребуваат својата платформа за политичко агитирање што се коси со правилата на светските и европските спортски федерации и асоцијации. Вон теренот, секој има право да биде политички активен и тоа досега и се покажа коректно, дури и кај тие ракометари кои не кријат дека се дел од политичките партии.

Од друга страна и претставници на опозицијата непотребно ги подигнуваат тензиите и поделбите меѓу навивачите и граѓаните. Коментарот дека ракометарите и одржале лекција на Тамара како се пее химната е низок, беспотребен и само дополнително влијае на создавање лоша слика за целокупната атмосфера.

Наместо граѓаните да се оттргнат од грдото политичко конфронтирање кое го преживуваме на дневна основа, уште повеќе ги политизираме и партизираме сите можни општествени настани, како досегашната зла крв и омраза да не ни се доволни, како да сакаме уште до толку да се поделиме на сите можни основи и поводи.

Спортските победи и успеси, настапи на големи европски и светски турнири треба да послужат пред се забава, за релаксирање од останатите проблеми на денешницата, да се радува на националниот дрес, на боите кои ги бранат македонските спортисти. Сите тие играат за клубови од каде земаат приватни, а не државни пари, се натпреваруваат во најсилните европски лиги и ама баш никој не може да ги натера со сила да играат за црвено-жолтиот дрес. Затоа не плукајте по ракометарите на политичка основа, покажете дека ако ништо друго имате повисоко ниво на политичка култура од вашиот опонент кој не е дел од партијата на која сте припадник или симпатизер.

Спортот треба да се остави во арените и трибините, а не во партиските штабови и по профилите на социјалните мрежи и пропагадни портали покажувајќи им на вашите сопартијци и раководители колку сте вие силен бранител на партијата со небулозни ставови, навреди и повици за поделби.

Х.С.

Можеби ќе ве интересира

ПОСВЕТЕНО РАБОТИ НА ВИДЕО ЛЕКЦИИ: Наставничка од Тетово е убедена дека со ентузијазам и труд ќе имаме успешно онлајн учење

ПОСВЕТЕНО РАБОТИ НА ВИДЕО ЛЕКЦИИ: Наставничка од Тетово е убедена дека со ентузијазам и труд ќе имаме успешно онлајн учење

Пред самиот старт на учебната година наставниците порачуваат: Нема да биде се идеално, но ќе дадеме максимум за да ја реализираме наставата

Пред самиот старт на учебната година наставниците порачуваат: Нема да биде се идеално, но ќе дадеме максимум за да ја реализираме наставата

Единствен во Македонија: Во овој град нема активни случаи на заболени од Ковид-19

Единствен во Македонија: Во овој град нема активни случаи на заболени од Ковид-19

Трагедија: Шестгодишно дете од Крушопек починало од струен удар

Трагедија: Шестгодишно дете од Крушопек починало од струен удар

Заев и Борисов разговарале телефонски: Историските комисии да најдат решенија прифатливи за сите

Заев и Борисов разговарале телефонски: Историските комисии да најдат решенија прифатливи за сите

МВР потврди: Лекар нападнал лекар во кумановската болница

МВР потврди: Лекар нападнал лекар во кумановската болница

Последен биланс: Тројца починале, повеќе од 10 отсто од тестираните се позитивни

Последен биланс: Тројца починале, повеќе од 10 отсто од тестираните се позитивни

Грантови за туристички агенции, игротеките и рестораните за свадби

Грантови за туристички агенции, игротеките и рестораните за свадби

(ФОТО) Невремето оштети плажа во Охрид

(ФОТО) Невремето оштети плажа во Охрид