ПЛАЌААТ И ПО 100 ЕВРА НА ДЕН: Русите бегаат од мобилизација и заминуваат во Белорусија

Добивај вести на Viber

Русите од мобилизација бегаат и во Белорусија. 

Дел од нив избегаа во Грузија и Казахстан, но и во земји како Турција и Србија. 

Алиона живее во главниот град на Белорусија, Минск и поседува неколку станови. Вели дека приливот на Руси е многу голем и вели дека за становите особено се заинтересирани млади луѓе кои не сакаат да војуваат.

„Нема илјадници или десетици илјади кои доаѓаат, но побарувачката е сè уште огромна“, вели таа за ДВ. 

Цените за изнајмување скокнаа  последните денови, и тоа не само во центарот на Минск. Подобрите локации веќе чинат повеќе од 100 евра дневно.

„Дури и во предградијата тешко може да добиете стан за помалку од 100 белоруски рубљи (околу 40 евра) дневно“, вели Алиона.

„Пет дена откако беше наредена мобилизацијата, се качив во возот за Белорусија. Јас лично не добив покана, но многу колеги и познаници мораа да одат на воен рок“, вели Сергеј  кој не служел воен рок.

Избегал затоа што знае дека во случај на мобилизација може да биде повикан. откако Русија објави мобилизација, имаше гужва на аеродромите. Луѓето бегаа, а во Дагестан жители излегоа и го блокираа патот со цел нивни сограѓани да ја бидат мобилизирани. Имаше и сцени каде полицијата во Русија ги тепа луѓето кои не сакаат да се качат во автобус и да одат на обука. Украина на руските војници кои ќе се предадат им вети заштита, дека ќе се однесуваат цивилизирано со нив, дека никој нема да знае во Русија под какви околности се предале, а ако имаат проблем подоцна да се вратат дома, и за тоа ќе средат. 

Речиси милион Руси ја напуштија земјата во последните две недели откако рускиот претседател Владимир Путин ја објави својата наредба за делумна мобилизација. Според Форбс Русија, таква оценка за масовната емиграција дава извор од Кремљ.